"HONEY! Bebe loveeee!"
Nakangiting napailing ako nang makita ko si Terrence na tumatakbo papalapit samin ni Ara. Parang batang nakataas ang dalawang kamay niya habang tumatakbo. Sa loob ng ilang linggo ko bilang Veronica nakasanayan ko na lang ang ugali ng mga tao sa paligid ko. Hindi naman ako nahirapan na makilala ang ibang tao na bigla na lang sumusulpot, sila Ara at Terrence kasi ang nagpaliwanag sakin.
Minsan nga nagugulat na lang ako bigla na lang may tutulak sakin sa hallway ng school, babatuhan ako ng papel na nilamukos sa library at guguluhin ang buhok ko na may kasamang bubble gum sa tuwing naglalakad ako. Nakasanayan ko na din, mas worse pa nga ang nangyari sakin doon sa kamay nila Cassiopea.
"Kain muna tayo!" Hyper na sabi ni Terrence habang naka-akbay samin ni Ara
