"ANAK kakain na tayo.."
Inalis ko ang mata ko sa labas ng bintana saka ako lumingon kay mama. Nakita ko ang bitbit na kumot sa braso niya, umayos ako ng pagkakatayo.
"Mamaya na ma, busog pa naman ako eh." Sabi ko saka ako nagtungo sa paanan ng papag. Umupo muna ako doon.
"Si ate hindi pa ba umuuwi?"
Nakita ko ang paglambong ng mukha ni mama, naglakad siya papunta sa gilid ng papag at nilapag doon ang kumot.
"Tinawagan ko na ang mga tiyahin mo dahil baka doon nagtungo ang ate mo. Pero sabi nila hindi naman daw dumaan doon si Cath." Sabi niya saka huminga ng malalim.
".....sigurado ako na hanggang ngayon galit na galit pa din siya sa akin."
Hindi naman ako umimik, dito na ako sa bahay dumeretso pagkagaling sa school kanina. Iniisip ko nga kung itutuloy ko pa ba an
