NAKAMASID si Juliet kay Magus. Nakamasid na lahat ng kilos nito ay napapansin niya. Mula sa simpleng pagsenyas nito hanggang sa paggalaw ng mga paa. Siguradong kapag tumingin ito sa kanya ay mahuhuli nitong nakatingin siya rito. Pero simula pa kanina ay hindi na ito tumitingin sa kanya kaya malaya niya itong napagmamasdan.
Sinama nanaman siya nito sa labas ng villa. Kasalukuyan silang nasa manggahan. Kinakausap nito ang isang lalaking katiwala roon na si Mang Anton. Sa totoo lang ay wala naman halos itong ipinapagawa sa kanya. Basta nakasunod lang siya rito. O kung may kailangan lang itong iutos na minor thing at hindi naman talaga iyon nakakapagod. Pero ayos lang iyon sa kanya. Kahit bente kuwatro oras niya itong kasama at sundan ng sundan ay magiging masaya pa siya. Dahil nakakasama ni
