الحلقة العاشرة #ملائكية القلب :: #لست__من__نسل_الهاربين_انا__من__نسل__لا_يترك لي خيارا _اخر
2253 Words
#حكايات_ارض_السلطان
الحلقة العاشرة وال 11
ملائكية القلب :: #لست___من__نسل_الهاربين_انا__من__نسل__لا_يترك_لي_خيارا_اخر .
** باب اوضة المكتب بيتفتح وبتدخل العمة هند و وراها سهير البنت اللي كانت مخطوفة وشافو رحيل ايدها علي ايد مهيب وهي قاعدة جمبة علي الشازلونج ومهيب مغمض عينية وهي كمان ف العمة هند اتنحنحت ف مهيب ورحيل فتحو عينهم ورحيل كانت مخضوضة وبتبص حواليها باستغراب وبصت للعمة هند وسهير وخرجت جري من اوضة المكتب **
العمة هند :: بركة يا ولدي انك زين دلوك .
** سهير بتبص ب**وف ل مهيب اللي مش ﻻبس حاجة من فوق يدوب الجرح متغطي ومربوط بكتفة وبس وباين عضلات ص*رة ودراعة وعضلات بطنة ولما اخد بالة من نفسة كدة حاول يمد ايدة جمبة يتناول القميص اللي خلعتهولة شمايل **
سهير :: ربنا يحفظك يا سيدنا لوﻻاك الله اعلم كان چرالي اية .
العمة هند :: والله يا ولدي ابوها وامها چم برة بس مرضيتش تمشي معاهم وحلفت ميت يمين ما تتحرك من هني اﻻ لما تتطمن عليك .
مهيب :: انا زين تجدري تروحي مع اهلك دلوك .
سهير :: الله ف سماة ما يكون يا سيدنا اني اصلي بعرف اغير ع الچروح وادي حجن وحاچات من دي وبدي تجبل اني اچي اغيرلك ع الچرح كل شوية دية چرح واعر جوي ومحتاچ مراعية .
العمة هند :: اصيلة يا بتي والله البت سهير دي بت چدعة صوح وافج والنبي يا سيدنا .
مهيب :: مالوش عازة مچيها عشان الچرح الخالة شمايل موچودة وهي هتجوم باللازم .
** ف نفس اللحظة دحلت شمايل ومعاها فريدة *
سهير :: والنبي يا سيدنا مات**ر بخاطري انت چميلك دية هيفضل فوج راسي طول العمر وحياة الخالة شمايل ما تردني خايبة .
** شمايل بصتلها وابتسمت *
شمايل :: خلاص يا ولدي وافج الچرح محتاچ غيرات كتير ومراعية واني مجدراش اچي كل شوية وخلاص نظري بجا علي جدي مهشوفش لو الچرح غير وﻻ حاچة .
مهيب بصلها وهو مستغرب من كلامها :: ماشي ياما شمايل ولينا حديت بعدين دلوك كلة يهملني لحالي عايز اريح حبتين .
شمايل :: اعمل حسابك كلها كام ساعة وتجوم تروح الديوانية اهل البلد كلاتهم مستنظرينك .
فريدة :: ازاي يا ماما شمايل ماينفعش يخرج وهو بالحالة دي دة هيعمل مضاعفات للجرح غير اﻻلم اللي هيبقا حاسس بية طول الوقت .
شمايل :: يا بتي سيدنا لازم اهل ابلد كلاتها تشوف انة زين وصالب طولة ومرجدش ف السرير البلد كلاتها لازم تعريف ان سيدنا جوي وجادر يحميهم من الهجامة ومن اي حد يهوب ناحية ارض السلطان .
مهيب :: ماشي ياما شمايل اللي تشوفية دلوك هملوني لحالي معيزش حد غيرك دلوك هني عايز اتحدت معاكي لحالنا .
** العمة هند اخدت سهير وفريدة وخرجو من اﻻوضة **
شمايل :: خير يا ولدي عايزني ف اية دلوك وانتا تعبان كدي .
مهيب :: عايز اتحدت معاكي بخصوص السلسلة اللي اديتهاني .
شمايل :: مالها يا ولدي مهي دلتك ع الطريج واد*ك وصلت ودخلت الجبل .
مهيب :: ازاي المفروض اﻻنفاج اللي تحت محدش يعرف سكتها غير الكبير وعلامة الديابة اللي علي اﻻنفاج اللي تودي للجبل دي معناتها اية ؟ .
شمايل :: ابوك زمان فضل شهور يمشي ف اﻻنفاج دي عشان يحدد الطريج اللي يدخلة الجبل عشان لو احتاجة ف يوم واﻻنفاج دي شاهدة علي اسرار ياما وحاجات مالهاش اخر .
مهيب :: والحاجات المرسومة علي الحيطان ابوي اللي رسمها ؟
شمايل :: ﻻه دي موجودة من جبل ابوك وجدك و من جبلينا كلاتنا .
مهيب :: يعني اية فهميني ياما شمايل .
شمايل :: بص يا ولدي كل اللي اعرفة ان التصاوير اللي ع الحيطان دي رسمها اللي جبلينا زمان بيجولو بتحكي حكاية حوصلت زمان وبيجولو بردك انها بتحكي عن اللي جاي محدش عارف .
مهيب :: كان في رسمة فيهم ل واحد ﻻبس خلجات الكبير دي و واجف جدام چيش كبير جوي ومعاة واحدة ست حلوة وﻻبسة فرعوني هي والچيش اللي جصادهم دية معناتة ايي ؟
شمايل :: جلتلك يا ولدي دية حكاية حوصلت زمان ومالوش عازة تعريفها دلوك .
مهيب :: انتي تعريفها ياما شمايل ؟
شمايل :: اعريفها يا ولدي ابوك الله يرحمة حكالي علي ا****ة الجديمة واللي كات سبب ف اللي حوصل ل بت المساخيط ::
مهيب :: جلتلك متچيبيش السيرة دي تاني واصل .
شمايل :: محدش بيهرب من ماضية يا ولدي .
مهيب :: اني عايز اجولك علي سر محدش يعرفة .
شمايل :: جول يا ولدي والسر متصان وميهطلعش من خشمي كلمة واحدة لحد ما روحي تفارج الدنيا .
مهيب :: اني هحكيلك من الاول ** اني بجالي ١٠٠ يوم بحلم حلم غريب جووي واحدة كدي شبة اللي شفتها ف التصويرة اللي تحت ف اﻻنفاج والليلة اللي جابلت فيها البنات بتوع مصر مكاتش صدفة اني ليلتها كت تعبان جوي ودماغي مصدعة معرفش لية ف دخلت نمت ووحلمت بيها مكنش باين وشها بس سمعت صرختها .
شمايل :: هي مين يا ولدي اللي حلمت بيها .
مهيب :: الست اللي بشوفها ف الحلم ياما شمايل شوفتها ف الحلم بتصرخ وبتندهلي وصحيت مفزوع م النوم وجومت لبست خلجاتي وركبت الحصان ولجيت نفسي كأني عارف رايح فين ومشيت لحد ما لجيت البنات والهجامة بيتهجمو عليهم وحوصل اللي حصول وجبتهم هني .
شمايل :: وفيها ايي يا ولدي متوهمش نفسك بالحديت دية تلاجيك بس تعبان حبتين .
مهيب :: ياما شمايل اللي حوصل الليلة مهواش م التعب .
شمايل :: حوصل ايي يا ولدي ؟
مهيب :: جبل ما يحوصل اللي حوصل الليلة حلمت بالست اللي بتچيلي ف الحلم وهي بتجولي ( مهبانوت لقد حان الموعد ) ولما رجعت من الجبل وانتي طيبتي جرحي كت مريح هني وفجاءة حسيت ب رحيل چاري فتحت عيني وهي بتلمس يدي فجاءة كل حاچة حواليا اختفت وبجيت شايف الست اللي كت بحلم بيها ومعاها راچل طويلوﻻبس لبس فرعوني ** وحكالها اللي شافة ف الرؤية **
شمايل :: انتا متوكد يا ولدي م اللي بتجولة دي ؟
مهيب :: ويمين الله حوصل اللي بجولة دية ياما شمايل .
شمايل :: طب ورحيل عملت اية ؟
مهيب :: كل اللي حوصل اني فوجت علي صوت العمة هند ولجيتني هني ف المكتب ورحيل بتبصلي وهي مخضوضة وبصت حواليها وخرچت چري من اﻻوضة .
شمايل ::يبجا دية يا ولدي الوجت الي ﻻزم اد*ك فية اﻻمانة اللي دسها ابوك الله يرحمة معايا ليك چبل ما يموت .
مهيب :: امانة اية ؟
شمايل :: استناني هروح جوضتي وارچعلك .
** شمايل خرجت وبعد شوية رجعت تاني وقعدت جمب مهيب وطعلت ورقة قديمة وصفرة من هدومها **
مهيب :: فيها ايي الورجة دي ؟
شمايل :: كل اللي اعرفة ان ابوك ادهالي وجالي اخليها امانة عندي لحد ما تيجي تجولي ان في حاچة غريبة حوصلتلك لو محوصلش يبجا اخلي الورجة معايا ومطلعهاش واصل عشان كدي ابوك وصاك انك تخليني سرك وامانك وتحكيلي علي كل حاچة وتاخد بشورتي عمل حساب اليوم دية .
مهيب :: وريني الورجة دي ياما شمايل .
** مهيب اتناول الورقة من شمايل وبص فيها لقاها كلمات مكتوبة بالهيلوغريفي لغة الفراعنة وفي رسمة ل خاتم الفص بتاعة اخضر وعلية نقوش فرعونية وبدا يترجمها الورقة ويقراها بالعربي **
** ما حدث وما سلف مسجون ف الذكريات
و حين تعوي الذئاب علي اﻻرض السلطان
ويختلط دم اﻻسود بالذئاب
حين اذن سيحدث هلاك نسل اﻻسود و سيتحرر ولهان
ولعنة القدماء ستصيب نسل اﻻسود وتغرق اﻻرض بالدماء **
** مهيب خلص قراءة وبص ل شمايل **
مهيب :: الورجة دي مجطوعة من الكتاب اللي بيحكي حكاية چدودي وكان مكتوب ف اخر صفحة ان النبؤءة هتتحقق وساعتها كل حاچة هتتغير بس مكنتش عارف النبؤءة بسب الورجة المختفية واخيرا لجتها بس لية ابوي خليها وياأكي اني مفهمش حاچة وكل دية اية علاجتة ب رحيل ؟
شمايل :: الحكاية يا ولدي مهياش من دلوك الحكاية اديلها كتيير جووي من ايام چدودك وعشان تفهم اللي بيحوصل ﻻزم تعريف اللي حوصل زمان .
مهيب :: يعني اعمل ايي دلوك ياما شمايل ؟
شمايل :: مفتاح كل حاچة هي رحيل طالما اللي بتجولة حوصل يبجا ﻻزمن تجعد تتحدت وياها خلاص يا ولدي الصبية واختها هيمشو بكرة المؤن چاية خلاص ومهيبجاش في حاچة تجعدهم هني ويا عالم هتشوفها تاني وﻻ لاه .
.............................................
** رحيل قاعدة ف اوضتها بتفكر ف اللي حصل وحاسة انها اتجننت غمضت عينيها وافتكرت اول ما لمست ايد مهيب شافت الراجل اللي بيجري ورا البنت الجميله بيقول ( ملائكية القلب اشتقت لك يا جميلتي) وهما نفس الراجل والست اللي شافتهم لما كانت ف المكتب وفتحت الكتاب ولبست الخاتم *
والاغرب من كده وشة كان باين علية الاستغراب زيها يعني ممكن يكون شاف اللي هي شافتة
بس هو فعلا شاف حاجة زيها
هل هو عارف اللي بيحصل دة اية ؟
................................
** فريدة دخلت الاوضه ل رحيل وقعدت جمبها **
فريدة :: مالك يا بنتي قاعدة هنا لية وسيباني لوحدي ؟؟
رحيل :: مفيش حاجة يا فريدة مرهقة بس من الليلة انتي شايفة مكانتش ساهلة واللي حصل فيها ممكن نعيش عمرنا كلة ومايحصلش قدامنا نصة .
فريدة :: بصراحة انا حبيت المكان هنا اووي واتعلقت بية اووي وبالذات العمة هند وماما شمايل بجد حنيتهم ومعاملتهم ماتتوصفش .
رحيل :: علي العموم احنا كلها بكرة وعربية البنزين هتيجي زي ما قالو وساعتها نقدر نمشي من هنا .
فريدة :: بس انا كنت عايزة اقعد يومين كمان بصراحة مش عايزة امشي من هنا المكان هنا جميل والناس طيبة .
رحيل :: احنا من ساعة ما جينا واحنا وسط حاجات تخوف حكايات غريبة وجبل و ض*ب نار وبنت اتخ*فت ومهيب دة اد*كي شوفتي اتعور ازاي .
فريدة .. بس انتي كنتي مبسوطة هنا زيي بس من ساعة ما دلخا المكتب وانتي متغيرة وانا مش لقية فرصة من ساعتها اتكلم معاكي وافهم في اية ؟
رحيل :: مفيش يا فريدة انا عايزة امشي من هنا .
فريدة :: هو مهيب ضايقك ف حاجة انتي انا شوفتك وانا داخلة المكتب مع ماما شمايل كنتي خرجة بسرعة و باين علي وشك انة متغير .
رحيل :: مهيب مضايقنيش بالع** الراجل زي ما انتي شايفة بيعاملنا باحترام وكرم هو وكل اهل البيت .
فريدة :: طب في اية .. بس بس عرفت انتي اكيد غيرتي انة انقذ البنت اللي اسمها سهير دي ؟
رحيل :: ﻻ مش كدة يا فريدة الموضوع اصعب من كدة الف مرة .
فريدة :: احكيلي طيب وانا هسمعك واللي انتي عايزاة هنعملة حتي لو قلتي نرجع القاهرة مشي .
رحيل ضحكت :: ﻻ مش للدرجة دي انا هحكيلك كل حاجة .
** رحيل حكت ل فريدة علي اللي حصل معاها من اول ما دخلت المكتب والكتاب والخاتم اللي بتحاول تقلعة لكن مش عارفة خالص وحكتلها علي اللي شافتة لما لمست ايد مهيب **
فريدة :: وبعد اللي قلتية دة عايزة تمشي بسهولة كدة ؟
رحيل :ك لية يعني هيحبسوني ؟
فريدة :: اننا مقصدتش انهم يحبسوكي انا بتكلم عليكي انتي هتقدري تمشي من هنا من غير ما تفهمي اللي حصلك دة طب ولو اتكرر وانتي ف القاهرة هتعملي اية ؟
رحيل :: معرفش يا فريدة بس انا بقيت خايفة اووي .. الست والراجل اللي شوفتهم لما لمست ايد مهيب هما نفس اللي شوفتهم لما لبست الخاتم دة وحاسة ان مهيب لية علاقة بكل دة .
فريدة :: انتي قلتيلي ان الراجل اللي شوفتية الست ندهتلة يا مهبانوت صح ؟
فريدة :: الغريب انتي كنت عارفة اسمة من قبل هي ما تندهلة بس بردوة دة اية عﻻقتة مش فاهمة ؟
فريدة :: انتي الظاهر القلق نساكي حسك الصحفي افهمي مهبانوت مش مشابة ل اسم مهيب ؟
رحيل :: ايوة فعلا بس تفتكري اية العلاقة بين اﻻسمين ؟
فريدة :: كل دة اللي هيجاوبك علية مهيب عشان كدة ﻻزم تتكلمي معاة وتحكيلة اللي حصل لما لمستي ايدة وتصارحية بموضوع الكتاب والخاتم كمان اكيد هيكون عندة اﻻجابة لكل دة .
رحيل :: مفيش وقت احنا يدوب هنام ونصحي تكون عربية النزين جت زي ما قالو نلبس ونمشي .
فريدة :: زي ما تحبي يا رحيل بس صدقيني كدة مش هترتاحي وهتفضلي طول الوقت بتألي نفسك عن اللي حصل وهل ممكن يتكرر تاني وﻻ ﻻ متقنعينيش ان الفضول مش هيقتلك وانتي بتسألي نفسك وعايزة تفهمي كل دة .. وبعدين بقا عايزة تمشي كدة علطول وتسيبي مهيب القمر دة .
رحيل :: والنبي انتي ففايقة و رايقة انا ف اية وﻻ ف اية .. شوفي انا بكلمك ف اية وانتي تقوليلي مهيب القمر .
فريدة :: براحتك بس والله شكل البت اللي اسمها سهير دة عينها منة مشوفتيش بعد ما خرجتي لزقت ازاي ومش عايزة تمشي من البيت هنا ال اية ﻻزم تغيرلة علي الجرح كل شوية .
رحيل :: وانا مالي هي وهو كمان احرار انا دخلي اية ؟
فريدة :: عيني ف عينك كدة وقليلي انك مش معجبة بية ؟
رحيل :: خلاص خلينا ف اللي احنا فية لو لقيت وقت قبل ما نمشي هتكلم معاة ملقتش يبقا خﻻص هنمشي من غير ما احكيلة .. اصلا ازاي اتكلم معاة ف حاجة وهو تعبان كدة !!
فريدة بضحك :: خايفة علية يتعب يا حنينة .
رحيل :: بت انتي نامي احسنلك انا هنام عشان نصحي فايقين ورانا سفر طويل ومش عايزين نكرر نفس الغلطة .
فريدة بضحك :: استني هنا انتي هتنامي وانا مقولتلكيش علي اهم حاجة .
رحيل :: قولي .
فريدة :: ازاي مهيب دخل المكتب ومخرجش منة وماما شمايل قالت انة خلاص مشي وبعدها لما رجع رجع من برة عادي واية السلسلة اللي خدها منها وقالتلة دي هتوريك الطريق لية هي بتنور ف الضلمة وﻻ حاجة ؟
رحيل :: يا بنتي انتي غ*ية مش العمة هند قالت في انفاق وسراديب تحت اﻻرض وتحت البلد كلها محدش بيعرف طريقة غير الكبير وبس واكيد هو استخدم اﻻنفاق دي عشان يوصل للجبل .
فريدة :: ايوة صح يبقي كدة في مدخل سري ف المكتب انا ﻻزم اعرفة .
رحيل :: وانتي مالك اصلا باﻻنفاق والسردايب اللي بيقولو عليها احنا خلاص ماشيين ومش راجعيين هنا تاني .
فريدة :: ازاي يعني مش هاجي ازور ماما شمايل والعمة هند ؟
رحيل :: مظنش هنقدر نيجي تاني لما نرجع القاهرة هنرجع لحياتنا ومشاغلنا وكل حاجة وررانا وانتي عندك دراستك يعني مش هتفضي من المذاكرة .. يلا نامي دلوقتي ولما نرجع القاهرة ان شاء الله نبقا نشوف الموضوع دة .
** فريدة نامت لكن رحيل فضلت تفكر ف كل اللي شافتة وتحاول تربط اﻻحداث ببعض موصلتش ل نتيجة ونامت من كتر اﻻرهاق وقررت انها لازم تتكلم مع مهيب
.......................................
- Writer
