حكايات ارض السلطان

الحلقة ال _ 11

** رحيل صحيت من النوم عرقانة جدا وبصت لقيت فريدة جمبها وبتبصلها باستغراب او خوف **

رحيل :: مالك يا فريدة بتبصيلي كدة لية ؟

فريدة :: انتي كنتي بتحلمي صح ؟

رحيل :: يعني شوفت شوية كوابيس كدة لية كنت برفس وانا نايمة يعني !!

فريدة :: انتي كنتي بتتكلمي بلغة غريبة وانتي نايمة معرفش اية هي وبتقولي كلام غريب مش فاهمة وكنتي بتعيطي وانتي ببتتكلمي !!

رحيل :: انا فعلا حلمت بحلم غريب عن الست اللي بشوفها وكانت بتتكلم فرعون وانا كنت فاهمة اللغة بتاعتها .. انا كدة فعلا بدات اخاف الحلم نفسة كان مرعب اووي عندك حق في اللي قلتية قبل ما انام فضولي مش هيسبني ف حالي ومش ههدا غير لما افهم واﻻ هعيش ف قلق وتوتر علطول..

**

............................

** العمة هند خبطت علي رحيل وفريدة عشان ينزلو يفطرو وردو عليها قالو هينزلو وراها **

نزلت رحيل وفريدة لقيو العمة هند وسهير قاعدة علي السفرة **

رحيل :: هو مهيب عامل اية دلوقتي يا عمة ؟

العمة هند :: معرفاش يا بتي والله وجلبي واكلني علية بس هو جال محدش يدخل عليا .

فريدة :: بس هو ﻻزم يفطر وياخد اي مضاد حيوي عشان الجرح .

العمة هند :: والله يا بتي خايفة اخبط لية وهو نايم تعبان ف يزعج وﻻ يضايق دة لسة يومة طويل النهاردة هيروح الديوانية يجعد مع رچالة البلد .

رحيل :: ماينفعش يخرج كدة يا عمة غلط علية وعلي الجرح .

العمة هند :: راسة ناشفة كييف ابوة وجدة مهيسمعش حديت من حد واصل .

فريدة :: بس بيسمع كلام ماما شمايل ومش بيقولها لاه !!

العمة هند :: عشان دي وصية المرحوم ابوة الله يرحمة ووبعدين لو حديت الخالة شمايل مهيلدش علية الله ف سماة مهيعملش بية واصل .

سهير :: اني هاخد اﻻكل وادخل ل سيدنا دة اكيد مدجش الزاد من امبارح ومحتاچ غذاء وصحة ل اجل ما يتجوي عشان الچرح يطيب بسرعة .

العمة هند :: استني شوية يا بتي يمكن يصحا ل حالة ويندة عليا .

فريدة :: انا شايفة انة هيزعق لو حد دخل يا عمة ما انتي شوفتي بليل خرج الكل ازاي من المكتب ومسبش غير ماما شمايل انا شايفة ان محدش يدخل غيرها وهي تيجي تدخلة الفطار .

سهير :: متجلجيش سيدنا مهيزعجليش دة جلبة طيب ومهي**رش بخاطري اني هدخل بالوكل واطمن ع الچرح وهو مهيزعجليش واصل دية زي ما بيجلولو علية شجاعتة كييف اﻻسود وجلبة حنين علي اهل البلد كلاتها .

** العمة هند ابتسمت من كلام سهير ورحيل وفريدة بقو يبصولها وهي بتتكلم بسهوكة زيادة **

** سهير اخدت صينية عليها اﻻكل وراحت المكتب ل مهيب وخبطت خبطة واحدة ودخلت ومفيش دقايق وخرجت وشها احمر وباين عليها الزعل **

العمة هند :: حوصل اية يا بتي عميلتي ايي ؟

سهير :: والله يا عمة هند ما عميلت حاچة واصل اني يدوب خبطت ودخلت وحطيت الوكل وبصحيه راح مزعجلي وجالي معيزش حد واصل يصحيني م النوم واني هصحا لحالي بس مكنش فايج الظاهر علية تعبان جووي وبيخطرف لما دخلت كان هيتحدتت وهو نايم ويجول حديت مفهمهوش .

** فريدة و رحيل بصو ل بعض وفريدة ميلت علي رحيل واتكلمت معاها بصوت واطي *

فريدة :: نفس اللي حصلك وانتي نايمة بالظبط كنتي بتتكلمي كلام غريب ومش مفهموم .

رحيل :: خلاص لما يصحي هتكلم معاة .

فريدة :: مفيش وقت انا هشغل العمة هند والبت اللزقة دي وانتي اتسحبي وادخليلة المكتب ما اظنش انة هيزعقلك انتي يعني ** وغمزتلها *

رحيل :: العمة هند لو شاف*ني هيبقا منظري وحش اووي .

فريدة متقلقيش انتي اتحركي كأنك رايحة تغسلي ايدك وانا هفتح معاهم كلام واشغلهم وانتي ادخليلة .

** رحيل قامت من علي السفرة عشان تغسل ايديها وفريدة اتكلمت مع العمة هند **

فريدة :: تعرفي يا عمة انا زعلانة اووي .

العمة هند :: لية يا بتي حد هني جالك حاچة عفشة وﻻ ضايجك ؟

فريدة :: ﻻ والله يا عمة انا زعلانة عشان خلاص هنمشي من هنا بجد كان نفسي نقعد اكتر من كدة ف البلد عندكم انا شوفت هنا معاملة مشوتهاش ف حياتي وحضرتك وماما شمايل كنتو طيبين وحنينين معاانا انا واختي اووي .

العمة هند :: يشهد ربنا يا بتي انتو دخلتو جلبي من اول ما شوفتكم ف اﻻستراحة يوم ما چيتو ويعز عليا فراجكم وخلاص اتعودت علي حسكم معايا ف الدار .

سهير :: اني هچيلك كل يوم يا عمة و اونسك واتسهار معاكي كتير .

** فريدة بصت ل سهير من فوق ل تحت وكملت كلامها مع العمة هند *

فريدة :: بس انا ان شاء الله هلكمك ف التليفون علطول كل يوم وهزهقك مني .

العمة هند :: مهشيلهوش والله يا بتي مالوش عازة عندي اصلي هتحدتت مع مين يعني .

فريدة :: عشان خاطري يا عمة عشان نتكلم سوا واطمن عليكي طول الوقت ** وبصت ل سهير وكملت كلام * وعشان نطمن علي مهيب دة رحيل منمتش طول الليل من القلق علية وفعلا مش عايزة تسافر وعازة تقعد تطمن علية لحد ما يخف ويبقا كويس .

سهير :: متجلجيس انتي واﻻنسة احنا اولي بسيدنا منيكم وهنجدرو نراعو لحد ما يبجا زين .

العمة هند :: تسلمي يا فريدة يا بتي والله يا حبيبتي اني معيزاكوش تسافرو وياريت تجعدو يومين كمان .. وانتي يا سهير البنية متجدصش حاچة وﻻ اننا مجصرين مع سيدنا بس عايزين يطمنو علية .

سهير :: اني بعريفها يا عمة ان ارض السلطان فيها كتيير جوي ومهنحتچش حد غريب ف حاچة واصل دة احنا حتي الچواز عندينا بيبجا من اهل البلد ف بعضينا ومحدش بيتچوز من اغراب وبالذات سيدنا كبير البلد مهينفعش يتچوز من اﻻغراب لزمن تكون عروستة من اهل البلد .

العمة هند :: خلاص يا بنات جفلو الحديت دية دلوك اومال فين رحيل مش راحت تغسل يدها اتاخرت جووي يعني .

سهير :: هروح اشوفها يا عمة ** وقامت فعلا قبل ما تسمع رد العمة هند وراحت ناحية الحمام لكنها شافت باب اوضة المكتب موارب ف قربت منة وبصت شافت....

.......................................

**ف مكان بعيد عن حدود البلد مجموعة رجالة من الهجامة واقفين بالاحصنة وبعد شوية في شخص راكب حصان قرب عليهم ف كبيرهم شاورلهم محدش يتحرك وراح بالحصان ناحية الشخص اللي جاي عليهم ومتلتم و وقف علية مسافة منهم وكبيرة الهجامة راح لحد عندو **

الشخص :: ايي اللي حوصل دة مكناش متفجين علي كدي ؟

كبير الهجامة :: والرچالة عملت اللي عليها.

الشخص :: عميلتو ايي اني اللي سهلتلكم دخلو البلد من الچبهة التانية وجلتلك علي بين علي ابو عباس مخصوص عشان تاخدو بتة وسيدنا ميبجاش جدامة حل غير انة،يطلع الجبل هو والرجابة وساعتها تخلصو علية مش دية كان اتفجنا يا كبير الخچامة و ولاد الليل.

كبير الهجامة :: واني رچالتي عيملو كل دية وخ*فو البت وخدناها الچبل والرچالة كانت مستتظرها ولد السلطان يظهر عشان يخلصو علية هو بالذات الرچالة كان عنديها امر انها توض*ب علية نار اول ما يشفوة وسط رچالتة وجاي الچبل زي ما انتا جلت.

الشخص :: وايي اللي حوصل الواد دخل الچبل وچابك الارض جدام رچالتك وخدت البت من وسطيكم وخرچ.

كبير الهچامة :: خدنا علي خوانا ومعرفش كييف دخل الچبل والرچالة محوطينة لااه وكماان يطلع من بطن الچبل ويبجا وسطينا معرفش كييف مع اني كت مخلي رچالة يااما تحاوط الچبل عشان تحرس المداخل والمخارچ بتاعة الچبل.

الشخص :: مچاش مع الرچالة يا دهوول دية چة لحالة ودخلكم من الانفاج اللي تحت الارض.

كبير الهجامة :: مفيش حد جدر يعريف طريج السراديب دي هيأچي ابن امبارح اللي مايعرفش البلد زيين يعرفها ويوصل لبطن الچبل كمان محدش ف الهچامة ذات نفسهم يعرف حاجة عن المتاهات اللي ف بطن الچبل واللي بيدخلها بيتوة فيها ومابيخرچش منيهل واصل.

الشخص :: كأنك ناسي ان حداة ديبة الچبل ودي عاشت ف الچبل عمرها كلة يعني خابرة الچبل زي جووي ومعاها كل اسرارة.

كبير الهجامة :: اني مهسيبهوش دة اني مجدرش اجيم راسي وسط الرچالة ولزمن اخد طاري منية.

الشخص :: انتا تفضل ف الچبل وتلم رچالتك ومحدش يهوب ناحية ارض السلطان واني هبعتلك مرسال كييف ما اتعودنا.

..........................................

**

** رحيل دخلت المكتب ل مهيب ولقيتة نايم علي الشازلونج ومغمض عينية قربت منة وفكرت تلمس ايدية تاني لكن اتردد وقررت متعملش كدة وبدات تندة علية بصوت وطي خايفة حد من برة يسمعها **

رحيل :: استاذ مهيب .. استاذ مهيب ..

مهيب فتح عينية :: انسة رحيل !! خير في حاجة حوصلت ؟؟

رحيل :: ممكن اتكلم معاك شوية انا عارفة ان الظرف مش مناسب وانت تعبان لكن احنا كلها ساعات وماشيين من هنا وﻻزم اتكلم معاك وحكيلك اللي بيحصلي ﻻني حاسة ان انتا الوحيد اللي هتفهمني وتفهمني .

مهيب :: اتفضلي قولي اللي يلد عليكي .

رحيل :: اول حاجة عشان اتأكد اني مش مجنونة وان اللي شوفتة مكنش تهيؤات .. انا لما لمست ايدك بليل وانت نايم هنا وانت فتحت عينك وبصتلي يا ترا شوفت حاجة غريبة وﻻ انا بس وكان بيتهيئلي ؟؟

** مهيب بصلها وسكت **

رحيل :: ارجوك رد عليا وفهمني اية اللي بيحصلي انا متأكدة ان عندك اجابة لكل دة .

مهيب :: طب احكيلي كل اللي حوصل معاكي واني هفهمك اللي اجدر علية .

** رحيل حكت ل مهيب علي الرؤية اللي شافتها لما لمست ايدة وحكتلة علي الخاتم اللي لقيتة جوة الكتاب ف المكتب هنا **

مهيب :: طيب جبل ما اتحدت وارد عليكي اني بجول نمسكو ايدين بعضينا من تاني ونشوف هيوحصل اية .

رحيل :: يعني انت شوفت اللي انا شوفتة لما لمست ايدك ؟

مهيب :: ايووة شوفت كل اللي جلتية علية دية .

رحيل :: طيب المفروض نعمل اية دلوقتي ؟

مهيب :: زي ما جلتلك نمسكو ايدين بعضينا من تاني ونشوفو اللي هيوحصل .

رحيل :: موافقة ** وقربت من مهيب وهو فارد جسمة علي الشازلونج وحطت ايدها علي ايدة واﻻتنين حسو بكهرباء بتسري ف جسمهم و شافو حاجة غريبة ااوووي

شافو الست اللي شافوها ف الرؤية بتتكلم مع حد ملامحة وشة مش باينة لكن جسمة كان عريان من فوق ولونة ازرق وعلية وشوم كتيرة وبصو ل رجلية لقيوها دخانية ومالوش رجلين اساسا ورغم ان الكلام كان باللغة الفرعونية اﻻ انهم كانو فاهمين كل حرف بيتقال .

**

الكيان الازرق :: ماذا ستفعلين الان ؟

ملائكية القلب وهي تبتسم وتبكي ف الوقت نفسة :: لقد اخطأو بتركي علي قيد الحياة .

الكيان الازرق :: يمكنني اخذك للجنوب لو رغبت ولن يصل اليك احد.

ملائكية القلب :: لست من نسل الهاربين انا من نسل لا يترك لي خيارا اخر .

الكيان الازرق :: وما هو الخيار الذي امامك غير الهرب.

ملائكية القلب :: الثأر .. الثأر ولا غيره يا ولهان.. سأتحالف مع شياطين الارض كلها لو كان ذلك هو السبيل للثأر والانتقام .

........................

** قطع الرؤية اللي بيشوفوها دخول سهير عليهم اللي شافتهم ف المنظر دة ورحيل جمب مهيب وماسة ايدة وهو مغمض عينية ** رحيل ومهيب حسو باﻻحراج ورحيل بعدت ايدها عن ايد مهيب **

سهير :: ازايك يا سيدنا صباحك زي الورد اني جولت اجي اطمن عليك واشوف الجرح كييفة دلوك .

مهيب :: تشكري يا سهير مكنش له عازة والله تعبك دية .

سهير وهي بتبص ل رحيل :: مش احسن ما نتعب الضيوف اللي بيناتهم جلجانين بزيادة عليك يا سيدنا .

مهيب بعصبية :: ضيوفي دول يعتبرو من اهل لدار ومهجبلش اي حديت ماسخ يضايجهم فاهمة يا سهير وﻻ افهمك تاني ؟

سهير :: امرك يا سيدنا اني مجصديش حاجة اني جلت اساعد اني بدال ما نتعب الضيوف وهما كدي كدي ماشيين شوي كدي .

مهيب :: يمشو او يجعدو دية ف حاكم دارهم ولو مشالتهمش اﻻرض اشيلهم علي راسي يا سهير ويلا اتفضلي انتي ش حد يدخل دلوك غير ضيوفي وبس .

سهير :: طب مايلزمش اي خدمة اطل ع الجرح اشوف بجا كييفة دلوك ؟

مهيب :: جلت معيزش حد دلوك يدخل هني ولو حوصل وحد عميلها هجطع خبروة فاهمة يا سهير .

سهير بتبص ل رحيل بحقد :: امرك يا سيدنا .

** خرجت سهير من المكتب **

مهيب :: الظاهر مهنعرفش نتحدت هني الحديت اللي هنتحدت فية محتاج مكان تاني .

رحيل بقلق :: مكان اية ؟؟

مهيب :: متخافيش اني هنزل بيكي تحت ف السرداب اللي تحت الدار هني .

رحيل :: ازاي العمة هند قالت اني ماينفعش حد ينزلة غير سيد البلد وممكن المكان تحت يبقا ضلمة وانا بخاف منها .

مهيب بضحك :: بجا اني بجولك هنزلك سرداب جدودي اللي العمة هند حكتلك عنيها وانتي تجوليلي بخاف م الضلمة .. تيعرفي لو جدي عايش كان طخني ع اللي هعملة دلوك ..

رحيل :: للدرجة دي الموضوع كبير ومحدش فعلا بينزل زي العمة هند ما قالت ؟

مهيب :: هو كدي من الزمن الزمن ماينفعش الكبير يأ/ن حد علي سر السراديب عشان السر اللي يعرفوة اتنين ميبجاش سر وكمان عشان فتح السرداب دية لية طريجة متخطرش علي بال حد ..

رحيل :: طريقة اية دي انا كدة بدات اخاف فعلا ؟

مهيب :: لاه متخافيش بس جبل ما نزلو السرداب جوليلي فين الكتاب اللي لجيتي فية الخاتم دية ؟

** رحيل شاورت لمهيب علي مكان الكتاب ومهيب كان بيتحرك بصعوبة ف طلب من رحيل تطلع علي السلم الصغير وتجيب الكتاب وترجع * وفعلا رحيل عملت كدة ومهيب اتحرك بصعوبة لحد كرسي المكتب ووطلب من رحيل ترفع السجادة من الجزء دة وعملت كدة وشافت دايرة عبارة عن طلاسم غريبة داخلة ف بعض ومقدرتش تحدد اللغة المكتوبة بيها بصت ل مهيب لقيتة اتناول الخنجر اللي كان مطعون بية بليل وقربة من ايدة وبدا يمشية علي ايدة وبدات تنزف **

مهيب والدم بينزل علي الدايرة اللي ف اﻻرض :: بحق دماء الاجداد التي تجري في عروقي افتح باب اﻻسرار .

** فجاءة الحيطة اللي وراة المكتب بدات تتفتح وكأنها بتتقسم نصين ومهيب قام بصعوبة وشد رحيل من دراعها اللي رجعت لورا من الخوف ودخل من فتحة الحيطة دي و اول ما دخلو الحيطة اتقفلت والدينا بقيت ضلمة عليهم ل لحظة كانت كافية ان رحيل تصرخ وقبل ما تخلص صرختها كان المكان نور بصت لمهيب لقيتة حاطط ايدة علي حجرر ف الحيطة جمبة والحجر منور كانة لمبة وبصت علي المكمان لقيت حجارة كتير من نفس النوع والشكل منتشرة فية ومنورة المكان كلة ..

مهيب اتحرك وليقو سلم قدامهم عبارة عن ٣ درجات نزلو ورحيل بتبص للمكان وهي مبهورة وفاتحة بقها مش لقيا كلام تقولة **

شافت ف المكان اثار فرعونية حجرية وذهبية من كل اﻻحجام واﻻشكال ومرصوين بشكل منظم ولقيت جنب فيه اوراق بردي كتير متجمعة مع بعض ومتقسمة علي رفوف وحيطان المكان كانت كأنها مقبرة كل الحوائط عليها نقوش ورسومات فرعونية بس الغريب انها كأنها لسة معمولة وفي منها باﻻلوان كمان **

مهيب بص ل رحيل وشاف انبهارها :: عجبك المكان ؟

رحيل :: المكان دة بجد وﻻ انا لسة بحلم ودي تهيؤات ؟

مهيب :: لاه المكان دية بجد .

رحيل :: بس ازاي انا مش هتكلم علي عدد اﻻثار الموجودة هنا ﻻن واضح انها موجودة من زمان ..بس ازاي المكان دة كأ،ة مقبرة فرعونية بس كأنها جديدة ولسة منحوت عليها النقوش والرسومات اللي هناك دي كأنها لسة معمولة ومتلونة كمان !!!

مهيب :: يعني هو دية اللي خلاكي تستغربي لما الباب اتفتح لما سيحت دمي جدامك دية مهواش غريب ؟

رحيل :: متفكرنيش انا مرعوبة اصلا من اللي عملت دة ومش فاهمة انت عملت كدة لية وازاي الباب ظهر لما عملت كدة ؟

مهيب :: كل اللي اعريفة ان جدي عمل ابويا كدي ومن جبلة جدي علمة وجدودي كلاتهم كانو بيعملو كدي وكل اللي اعريفة ان السرداب علية حارس بيحيمة وهو اللي فية من كنوز واسرار .

رحيل :: اة زي اللي قالت علية ماما شمايل بس دي قالت اسمة ولهان واللي شوفناة ف الرؤية من شوية الست قالتلة يا ولهان يبقا دة معناة اية ؟

مهيب :: اني نزلتلك هني عشان كدي تعالي معايا .

** مهيب مشي بيها شوية وهي كل شوية تشوف تماثيل دهب وقطع ذهبية كتير زي جواهر وعملات ذهبية وفضل ماشي لحد ما وصل لحيطة عليها رسمها **

** رحيل بصت للحيطة لقيت رسمة ل رجل اقرع راسة مفيهاش شعر خالص ولونة ازرق وعلي جسمة وشوم كتير وكان ماسك ف ايدة الكتاب اللي لقيتة رحيل ف المكتب وعلية الخاتم وكأن كأ،ة بيقدمة لحد ﻻنة كن شبة حاني راسة ومادد ايدة لقدام **

رحيل :: دة هو اللي شوفناة ف الرؤية مع الست لما كانو بيتكلمو سوا !!

مهيب :: ديو ولهان حامي كنوز واسرار ارض السلطان .

رحيل :: انا مش فاهمة حاجة اية علاقة كل دة والخاتم والكتاب دول اية بتوع الراجل دة يعني اقصد ولهان ؟

مهيب :: هاتي الكتاب دية اني هجراة وساعتها يمكن نفهمو حاجة .

رحيل :: الكتاب لما فتحتة كانت صفحاتة فاضية مفيهاش حاجة ..

مهيب :: افتحية تاني كدي وريني .

** رحيل فتحت الكتاب وفعلا كانت صفحاتة فاضية لكن فجاءة الخاتم اللي ف ايدها الص بتاعة بقا بيلمع ونور شوية وبصت باستغراب وشافت صفحات الكتاب بتتملئ بكلام كتيير وغريب بلغة غريبة ف رحيل صرخت وناولت الكتاب لمهيب **

مهيب اخد الكتاب وبص ف صفحاتة ولقاها مليناة وكلها كتابة **

مهيب :: يلا بينا نجعد مجدرش اجف اكتر من كدي الجرح هيشد عليا .

رحيل :: انا اسفة والله تعبتك وانت حالتك صعبة كدة .

مهيب :: لاه دي جرح هين هيأجي ايه دية فاللي فاتو .

رحيل :: طب اقعد طيب علي اي حاجة ارتاح .

مهيب :: تعالي معايا .

** مشيو سوا ولقيتة دخل بيها قاعة كبيرة اووي مليانة كراسي كلها فرعونية والقاعة فيها تماثيل ضخمة ف اﻻركان والحوائط النقوش الفرعونية اللي عليها كانها مطلية دهب والحيطة نفسها كانت لونها اسود وف اخر القاعة في كرسي فرعوني ضخم شبة اللي فالديوانية بس دة افخم والمقابض بتاعة ل رؤس اسود ذهبية وجمب الكرسي في تاماثيل ل اسود من دهب وعيونها زي من جواهر حمرا وجمب الكرسي الكبير في كرسي صغير .. مهيب اتحرك ناحية الكرسي الضخم وقعد علية وبص ل رحيل وشاور لها تقعد علي الكرسي اللي جمبة **

مهيب :: دلوك بجا نجعدو ونجرو براحتنا ..

رحيل :: بس فوق هيقلقو علينا .

مهيب :: محدش هيعتب المكتب واصل بس اختك هي اللي هتجلج عليكي .

رحيل :: من الناحية دي اطمن فريدة عارفة اني داخلالك وهي بنفسها اللي كانت بتلهي العمة هند عشان ادخل واتكلم معاك براحتي ف مش هتقلق .

مهيب :: زين جووي ** وفتح الكتاب وبدا يقرا ف اول صفحة اللي رحيل لما بصت عليها لقيت نفسها فاهمة الكلام المكتوب ومهيب كمان كان فاهم اللغة والكلام المكتوب وبدا يقرا **