الحلقة الرابعة #حكاية_بنت_المساخيط
3467 Words
#حكايات_ارض_السلطان
الحلقة الرابعة
#بنت_المساخيط
نجد :: #من_قلب_الجبل_اتيت
#من_رحم_الذئاب_ولدت
#في_ارض_السلطان_ترعرعت
#وفي_قلب_اعدائي_غرست
.................. ارض السلطان ........................
**رحيل وفريدة خلصو اكل **
رحيل :: بجد يا عمة هند حكاية النداهة دي صعبة اووي .
فريدة :: ف مصر كل اللي نعرفة عن النداهة دي انها جنية بتعيش ف المية وبتخ*ف الرجالة .
العمة هند :: الصعيد يا بتي مليان حكاوي واسرار واحنا بلدنا اجدم بلد في الصعيد كلاتة وفيها اسرار وحكاوي مالهاش عدد ؟
رحيل :: بجد الحكاية دي خلتني اقتنع ان الست عمرها ما كانت ضعيفة ابدا وﻻ حتي ف الصعيد اللي بيقولو علية بيضطهد الست ؟
فريدة :: الصراحة انا خوفت من النداهة دي ومش هقدر اقرب من الست اللي اسمها شمايل دي احسن تقتلني .
العمة هند ورحيل فضلو يضحكو جااامد اوووي علي كﻻم فريدة *
** رحيل ** قامت عشان تروح تغسل ايديها ف الوقت اللي كان باب المكتب بتاع مهيب مفتوح وهو جوة قاعد علي المكتب ماسك كتاب كبيرة وشكلة قديم بيقراة ف رحيل محستش بنفسها غير وهي واقفة بتتف*ج علية وهو مركز ف قراءة الكتاب ومكانتش متصورة ان يكون حد ف الصعيد كدة وبالشخصية دي وعندة مكتبة كتب جوة مكتبة وبيقراها كمان فجاة حست بايد علي كتفها **
فريدة :: اي يا بنتي واقفة عندك بتعملي اية ؟
مهيب بص ف اللحظة دي لقهم واقفين ف رحيل اتحرجت ومشيت وهي بتشد فريدة من ايدها ومهيب قام خرج وقفل الباب **
مهيب ماشي عشان يخرج يلف ف البلد ف رحيل وقفتة قبل ما يخرج من الباب
رحيل :: انا اسفة مكنتش اقصد ابص علي حضرتك وانت ف الكتب بس والله انا بحب القراءة اووي ولقيت حضرتك ماسك كتاب بتقراءة ف شدني المنظر و وقفت اشوف مش اكتر حضرتك اكيد عارف فضول القراءة .
مهيب :: حصل خير يا انسة وعلي العموم لو عايزة تجري جولي للعمة اني اذنتلك تدخلي المكتب وتجري منية اللي يلد عليكي بس هتلاجي كتب جديمة مهياش بالعربي ياريت تهمليها لحالها عشان دي جديمة جووي ومكتوبة بخط اجدادي ولغوتهم زمان .
رحيل :: بجد يعني اناا ممكن ادخل المكتب دة واقرا من الكتب دي كلها ؟
مهيب :: اني جلتلك ومبجولش الحديت مرتين باﻻذن يا انسة .
** مهيب مشي وسابها مبهورة من الموقف ومن طريقتة معاها وبسرعة راحت جري عشان تبلغ العمة هند باللي قالة مهيب **
رحيل :: يا عمة يا عمة ياعمة .
العمة هند :: ايي يا بتي بتزعجي كدي لية جنيتي ايأك ؟
رحيل :: انا اسفة يا عمة بس فرحانة .
فريدة :: مش تفرحيني معاكي يا غلسة .
العمة :: يارب دايما يفرح چلبكم يا صبايا جوليلي بجا ايي الي فرحك كدي ؟
رحيل :: استاذ مهيب قالي ..
العمة هند قاطعتها :: يا بتي اوستاذ ايي دة سيد البلد دي كلاتها وانتي شوفتي بعينك .
رحيل بتريقة:: يعني اقول اية يعني يا عمة اقولة يا سيدي مثلا ؟
العمة هند :: لااه يا بتي بس ملداش عليا كلمة اوستاذ دي الحريم تسمعك هني وهيضحكو عليكي اكمنك مصراوية لما تتحدتي علي سيدنا مهيب ولد اخويا خلي الحديت بيناتنا وبلاش صوتك يعلا ويلا كملي كتي هتجولي جالك اية ؟
رحيل :: بصي بصراحة لما قمت من علي السفرة وهو كان ف مكتبة كان الباب مفتوح وشوفتة بيقرا ف كتاب وهو شافني وانا ببصلة ولما خرج اعتذرتلة و وضحتلة اني بحب الكتب والقراءة ف هو قالي اني ممكن ادخل المكتب اقرا ف الكتب اللي فية بس مجيش ناحية الكتب القديمة خالص عشان دي بتاعة جدودة .
العمة هند :: بجا مهيب ولد اخوي جالك كدي وسمحلك تدخلي المكتب وتجعدي وتجري فية كمان يا حلاوة يا وﻻد ؟
فريدة :: واية الغريب ف كدة يا عمة ؟؟
العمة هند :: المكتب دية بتاع ابو مهيب اخويا فخر الدين الله يرحمة ومن جبلة ابويا وجدي الله يرحمهم . ومفيش واحدة م الحريم تجدر تدخل تنضف جوضة المكتب دي اللي واني موجودة معاها حاكم فية كتب كاتبها جدود مهيب من ايام جدودنا الجدام ومكتوبة بلغوة الفراعنة ابويا الليه يرحمة جالي كدي عشان كدي مفيش واحدة من الحريم بتدخل تنضف لحالها احسن توجع كتاب من مطرحة .. بس طالما مهيب اذنلك يبجا حديتة امر علينا .
رحيل :: يعني هينفع ندخل المكتب دة ؟
العمة هند :: ايوة يا بتي طالما مهيب اذنلك يبجا تدخلي ف اي وجت ويلا بينا ندخلو دلوك .
فريدة :: يلا يا عمة انا بصراحة مبسوطة اووي باللي بشوفة هنا وحاسة ان كل خطوة فيها حاجة جديدة او مرة اشوفها او اسمع عنها .
العمة هند :: جلتلك يا بتي ارض السلطان مليانة حكاوي واسرار ملهاش اخر .
** العمة عند اخدت رحيل وفريدة ودخلو المكتب **
رحيل مبهورة بكمية الكتب دي كلها وبقيت تشوف كتب وتبص علي اﻻغلفة لقيت كتب لغات كتير من اول العربي لحد الهندي والصيني في منها المترجم عربي وفي منها المترجم انجليزي وبصت علي المكتب نفسة لقيت الكتب اللي مهيب نبههة انها متقربلهاش ولقيت اغلفة الكتب كلها نقوش فرعونية **
رحيل اخدت كتاب من الرفوف وفريدة استغلت انشغال العمة مع رحيل وطلعت تليفونها وصورت غلاف الكتاب اللي علي المكتب وكان بيقراة مهيب ﻻنة كان محطوط علي المكتب مباشرة قدام كرسي المكتب وبدات تتمشي ف اوضة المكتب ﻻنها ماكنتش من هواة القراة لكن لفت نظرها حاجة علي اﻻرض متغطية بقماش ف قربت منة وشالت الغطا لقيت رسمة كبيرة ل بنت واقفة ف صحراة ومعاها ديبين واقفين جمبها واحد ابيض والتاني اسود *
العمة هند اخدت بالها من فريدة **
العمة هند :: ايي اللي عملتيية ديية يا بتي سيبي الحاچة دي لحالها و يلا بينا من هني وانتي يا رحيل يا بتي خدي الكتاب وتعالي اجرية برة حاكم كدي مهينفعش ومهيب هياچي يزعج لو لجي حاچة مكانها متغير .
رحيل وفريدة خرجو مع العمة هند ومكنوش فاهمين سبب انزعاجها **
فريدة :: انا اسفة يا عمة مكنتش اقصد اقرب من حاجة بس الغطا لفت نظري ولما شلتة شوفتة الرسمة عجبتني اوووي .
العمة هند :: في حاچات يا بتي ﻻزم تفضل متغطية لما الغطا بيتشال غبارها كلة بيأچي علي جلبك ويحرجك كيف النار ..
رحيل :: مش فاهمة حاجة يعني اية يا عمة الكلام دة واية الغريب ف الرسمة اللي شفتها فريدة دي انا لمحتها قبل ما تغطيها بجد جميلة اووي ومنظر البنت مع الذئبين تحفة فنية بجد .
العمة هند :: يا بتي اللي ف الرسمة دي اسمها بت المساخيط ومهيب ولدي مانع حد يجرب منيها واصل دي مكاناه من ايام ابوة الله يرحمة ومحدش يجدر يهوب يمتها .
فريدة :: طب ينفع نعرف البنت الجميلة دي لية اسمها بنت المساخيط مش المساخيط عندكم زي ما فهمت من كلامك يعني اثار او حاجات فرعونية ؟
العمة هند :: ايوة يا بتي .
رحيل :: طب ازاي يبقا اسمها كدة ؟
العمة هند :: اني معرفش غير حاچات جليلة ولو عايزين تعرفو صوح مفيش غيرها شمايل هي اللي تجدر تحكيلكم .
فريدة :: انتي عايزاة الست اللي حكتيلي انها قتلت رجالة كتير دي تقعد معانا وتحكيلي وكدة ﻻ شكرا مش عايزة .
رحيل :: وهي شمايل او النداهة او ديبة الجبل زي ما قلتي ان دة من القابها اية علاقتها ب البنت دي وانتي قلتي ان بناتها اتقتلو ؟
العمة هند :: الجرار ف ايدكم انادم لها تأجي وتحكيلكم وﻻ بلاهاا خالص ؟
رحيل و فريدة :: ﻻﻻﻻا ناديها تحكيلنا .
** العمة هند ندهت للحريم وطلبت منهم يندهو الخالة شمايل **
بعد شوية دخلت ست يمكن تكون تخطت التسعين سنة لكن اي حد يبصلها يجدر يشوف انها كانت تملك جال شديد وهي صغيرة *
شمايل :: خبر ايي يا هند ؟ جالولي انك رايداني هني ؟
العمة هند :: خير يا خالة شمايل كت عايزاكي ف طلب كدي .
** بصت ل رحيل وفريدة وقربت منهم اووي **
شمايل :: انتو خوات يا صبايا ؟؟
العمة هند :: ايوة يا خالة خوات وچايين من مصر .
شمايل :: وانتي مالك يا هند حد وچهلك حديت دلوك اني بكلم الصباب الحلوين دول .
رحيل :: ايوة خالة شمايل احنا اخوات .
شمايل :: فكرتوني ببتين كانو زي الجمر زمان جووي وانتي يا هند عايزة ايي؟
العمة هند :: البنيتة كانو عايزين يعرفو حكاية بت المساخيط اصلهم شافو صورتها ف جوضة المكتب وسألوني عنيه ف جلت مفيش غيرك يا خالة اللي تجدر تجولهم الحكاية زين .
شمايل :: جفلي ع الحديت دي ومتفتحيش السيرة دي واصل .
فريدة :: من فضلك يا خالة نفسي اعرفها .
رحيل :: ارجوكي يا خالة انتي قلتي اننا فكرناكي ب بنتين وغلاة البنتين دول عندك تحكيلنا .
شمايل :: حلفتيني بالغالين اللي عمر حد محلفني بيهم واصل بس بيني هند حكتلكم عني عشان كدي بتحلفيني بجلب مليان وعارفة اني مهردش طلبك .
رحيل :: بصراحة اة وياريت مت**فينيش انا غريبة و اول مرة اجي بلدكم او حتي الصعيد كلها عايزاني لما ارجع القاهرة اقولهم اهل الصعيد ما بيكرموش الضيف عندهم .
شمايل :: معاش وﻻ كان اللي ما يكرمش ضيوف دار السلطان بس يا بتي الحكاية دي فيها حاچات ماينفعش تتجال وتخص ناس م الدار دي خلاص الله يرحمهم وماينفعش اجولها واصل .
فريدة :: والله يا خالة شمايل ما هنجيب سيرة لحد ابدا .
شمايل :: طيب يا بتي اني هحكيلكم بس اﻻول روحي انتي يا هند وسبيني مع البنتة ولما اخلص يبجو ينادولك .
العمة هند :: ماشي يا خالة شمايل اللي تشوفية .
** فريدة وشوشت رحيل وقالتلها هي الست دي هتقتلنا وﻻ اية ف رحيل ضحكت وشمايل بصتلهم **
شمايل :: اني هحكيلكم الحكاية من اولها بس ﻻزمن تيعرفو ان اللي هجولة دية محدش يعرفو و تطير فية رجاب ..
رحيل وفريدة :: نوعدك اننا مش هنجيب سيرة ل حد ابدا وﻻ حتي العمة هند ..
شمايل :: دلوك اجدر احكيلكم واني مطمنة *****************
**********************
مرحبا يا عزيزي هذا لقاؤنا الثاني ولمن لم نلتقي من قبل انا #ولهان_حارس_حكايات_واسرار_وكنوز_ارض_السلطان
لا تسألني عن بقية حياة النداهة ف تلك حكاية اخري
اظنك تعرف القواعد الان ولكن لا مانع من تذكيرك بها هذة المرة فقط
في البداية أريد منك أن تجلس منفرداً في هدوء تام بعيداً عن الضوضاء، لا تجعل شيئاً يشتت انتباهك وتركيزك؛ لأني سآخذك في رحلة إلى عالم لم تعرفه من قبل، رحلة ستجعلك منبهراً بكل ما تراه فيها، سأخبرك أشياءً لن يخبرك عنها أحد شيئاً، وأقول لك أسراراً ما كان ينبغي على من مثلك أن يعرفها، ولكن قد آن الآون أن تعرفها الآن ..
دعني أخبرك أمراً هاماً، أنا لن أستخف بعقلك أبداً؛ لأنني أعرف أنك ذكياً، تستطيع أن تميز بعقلك الجبار بين الأشياء التي تستحق والأشياء التافهة، لقد خُلِقتَ بعقل ناقد واعٍ، يستطيع نقد كل شيء وتوجيهه إلى الصواب، لذلك أنت تقرأ هذه القصة التي لم تقرأ مثلها من قبل، ولكي تقرأها كما ينبغي لك أن تقرأها، عليك أن تجلس معي على انفراد، لأن ما ستعلمه لا يجب لغيرك أن يعلمه ..
والان ف لنمارس لعبة الاوراق
لكي أجعلك تستمتع بالقصة سنلعب لعبة تعلمتها من أحد أساتذتي، سنلعبها أنا وأنت فقط، ولن يُشاركنا أحد فيها، سألقي أمامك في بداية كل جزء مجموعة من الأوراق، وعليك أنت تنظر إليها جيداً، وعليك أن تهتم بالترتيب الذي وضعته أنا لهذه الأوراق؛ لأنها ستسهل عليك أحداث هذه القصة الملعونة ... نعم الملعونة أنت لم تخطئ القراءة، تسألني لماذا ملعونة؟ ومن الذي لعنها؟ أقول لك لا تضيع الوقت في الأسئلة، كل ما عليك أن تجلس منفرداً وتنظر جيداً للأوراق الثلاثة التي سأضعها أمامك الآن ..
-----------------
#بنت_المساخيط ::
-----------------
أمامك الآن ثلاثة أوراق:
الأولى :: مقبرة فرعونية
الثانية :: طفلة رضيعة .
الثالثة :: ذئاب تعوي ف الصحراء واسنانها ملطخة بالدماء واضح انهم التهمو فريسة منذ قليل هل هذة بقايا جسد بشري.. لا تهتم يا عزيزي والان لنبدا الحكاية
أنت الآن كونت صورة مختصرة في عقلك عن الحكاية الثانية ألم أقل لك أنك ذكياً ؟
تعالى معي إلى تلك الصحراء وبالتحديد في هذا الجبل أريدك أن تتعرف على هؤلاء الأشخاص، لا تخف فلن يرانا ولن يسمعنا أحد أبدا ...
*******
#المقبرة
** بطن الجبل **
راجل بيجري علشان يوصل ل الكبير بتاعهم **
عوض :: الحج يا معلم سباعي الرچالة وهي بتدفن الجتيل بتاع امبارح وهي بتحفر لجيو سلم تحت اﻻرض فضلو يحفرو ولجيو باب علية نجوشات فرعوني من بتاعة المساخيط .
سباعي :: انتا بتجول اية يا وﻻاا الرچالة لجيو كدي صوح ؟
عوض :: اي والله يا معلم وسايبهم عمالين ي**رو الباب بس معرفينش خالص ومستنينك تاچي تشوف بنفسك .
سباعي :: اچمع الرچالة كلاتهم وكل واحد يچيبب معاة فاس وهنروح كلاتنا علي هناك
عوض :: امرك يا معلم سباعي ..
** بعد نص ساعة ف مكان بعيد عن الجبل ف منطقة كلها صخور وكهوف صغيرة الرجالة كلهم و**ي **
سباعي :: ايي يا رچالة لسة لحد دلوك م**رتوش الحيطة دي ؟؟
عوض ::والله يا معلم سباعي اديلنا ساعة بندج علي الباب دي وكأننا مبنعملش حاچة واصل مراضيش يتخدش حتي .
سباعي :: حديت اي دية انتو اللي ظاهر عليكو بجيتو خرعين جووي .. يا رچالة اللي هي**ر الباب دة هديلة الفلوس اللي لجيناها مع جتيل امبارح كلاتها هدية مني لية.
عوض :: يعني اللي هيجدر ي**ر الحيطة دي ياخد الفلوس اللي لجيناها امبارح دي كلاتها دي كتيير جووي اكمنة كان بية كبير يا معلم .
سباعي :: مش كتير علي الخير اللي ورا الباب دية .
** الرجالة فضلت طول اليوم تحاول ت**ر الباب الفرعوني بكل الطرق ومفيش اي نتيجة الباب مش راضي يت**ر وكانة حديد او مبني من صخر ضد ال**ر **
عوض :: وبعدين يا معلم سباعي وجف*نا هنا طولت وومفيش فايدة الباب ناشف جوي .
سباعي :: مفيش جدامنا غير حل واحد تروح دلوك تاخد راچلين وتچيبو الشيخ عتمان شيخ عيلة السطان اني سمعت انة فاتحلهم جبل سابج مجبرتين مليناني مساخيط .
عوض :: ودة هنچيبة كييف مهيرضاش ياچي يا معلم ؟.
سباعي :: كأيوانك هتروح تعزمة حدانا عشان نشربة الشاي فوج يا بجم تخ*فوة انتا والرچالة وتچيبهولي .
عوض :: بس يا معلم سيدنا سلطان الكبير مانع الهچامة يهوبو ناحية البلد ولو حد دري بينا هتبجا وجعتنا طين ودة مهيرحمش حد واصل .
سلاعي :: اسمع اللي بجولك علية يا بجم اخ*فو الشيخ عتمان من غير ما حد يوعالكم استنوة الليلة ف صلاة الفجر وهاتوة علي هني .
عوض :: امرك يا معلم سباعي.
**** قبل طلوع الشمس كانو الرجالة خ*فو الشيخ عتمان وخدوة الجبل وهو متغمي **
سباعي :: يا الف اهلا وسهلا بالراچل البركة سمحنا يا عم الشيخ عتمان چبناك كدي من غير ﻻ احم وﻻ داستور .
الشيخ عتمان :: ﻻ اهلا وﻻ سهلا اني عايز امشي من هني احسن انت خابر زين سيدنا سلطان بية لما يدرا اني مش موچود ف البلد هيجلب الدنيا عليا ف لو طمعان ف جرشين وﻻ عايزلك ب***ة تبيعوها وتاخدو جرشين تمنها اعجل كددي احسنلك سيدنا سلطان ماهيسكتش وهيجلب الجبل بتاع الهجامة بللي فية .
سباعي :: حديت اي دة بس يا عم الشيخ اني ماعيشز شر انا عايزك ف شغل من اللي بتعملة ل سيدنا سلطان .
الشيخ عتمان :: شغل اية دة اللي عايزاني فية ؟
سباعي :: شغل المساخيط يا عم الشيخ .
الشيخ عتمان :: ومن ميتا الهچامة ليهم ف المساخيط وشغلها دي ورث ارض السلطان وحج ناسها وعلي راسهم سيدنا سلطان الكبير ومفيش مخلوج يجدر يفتح مجبرة وﻻ يچرب من المساخيط غير بأذن سيدنا.
سباعي :: خليك واعي اني جلتلك بالذوج وانت اللي مرضتش بس زي ما چبناك نجدرو نچيبو مرتك وعيالك كلاتهم هني وتشوف بعينك هيحصل فيهم ايي .
الشيخ عتمان :: انتا عايز تخ*ف نساوين كمان عار عليك والله وخسارة فيك تبجا راچل من اساسة
سباعي :: لو امي نفسها اخ*فها انتا خابر زين المجبرة دي هيكون فيها خير كتير ومساخيط ياما ولما نبيعها للانچليز هيدفعو فلوس تكفيني بجية عمري .
الشيخ عتمان :: محدش بيعرف يصرف المساخيط غير سيدنا سلطان .
سباعي :: ماليكش صالح بتصريف المساخيط اني عندي خواجات ف مصر ببيعلهم الدهبات والحاجات اللي بنسرجها .
الشيخ عتمان :: جصدك اليهود بتوع الربا والفلوس اللي بالفايظ تاخد منهم الجرش تدفعة تلاتة .
سباعي :: خلاصة الجول هتسمع الحديت وتفتح لنا المجبرة وﻻ نچيب مرتك وعيالك هني يساعدوك تفتحهالنا .
الشيخ عتمان :: ﻻااه هفتحلهكم فين مكانها ؟
سباعي :: ﻻااه انت مهتعرفش مكانها احنا هنغطي راسك كلاتها لحد ما نوصل ل هناك وتنزل الحفرة اللي بتوصل للمجبرة .
الشيخ عتمان :: ياكش فاكرني هطمع فيها ؟
سباعي :: مفيش حاجة تضمن ويمكن تعلم الطريج عشان ترچع تاني بعد ما نسيبك .
الشيخ عتمان :: ماشي واني موافج يلا علي المجبرة دي اللي بتجولو عليها .
** الرجالة حطت كيس قماش علي راس الشيخ عتمان وخدوة معاهم لحد ما وصولو ل مكان المقبرة ونزلو بية ف السلم اللي ف الحفرة اللي بيوصل ل باب المقبرة **
#القربان
** الشيخ عتمان بعد ما شالو الكيس القماش من علي وشة بدا يعاين الباب ويقرا النقوشات اللي علية وبعدا بدا يقول عزايم خاصة بصوت عالي وبدات اﻻارض تتهز لدرة ان الراجالة فكرت في في زلزال هيحصل وفجاة انتهي كل شي والهزة وقفت والشيخ عتمان وقع علي اﻻرض من التعب **
سباعي :: حوصل اية يا شيخ عتمان والباب متفتحش لية ؟
الشيخ عتمان :: الباب مرصود بحارس شديد جوي مهجدرش علية وﻻزمن عشان يرضي عنينا ويفتح الباب نجدملة جربان ..
عوض :: ايوة ايوووة عم الشيخ حديتة صوح اني سمعت ابويا الله يرحمة بيجول ان المساخيط بيبجا مربوط عليهم حارس من الجن وﻻزمن عشان الباب يتفتح تجدملة دبيحة وتسيح دمها علي عتبة باب المجبرة .
سباعي :: بس كدي يا عم الشيخ ساعة زمان واجيبلك غنم وخرفان انشالله حتي اچيبلك چامووسة بحالها .
الشيخ عتمان بنفس متقطع وبيتكلم بصعوبة من التعب :: الحارس معيزش خروف وﻻ جامووسة .
سباعي :: اومال عايز ايي ؟
الشيخ عتمان :: عايز دم بني ادم .
سباعي :: مصعباش علينا دي احنا الهچامة بردك ساعة زمن ونچيبولك اي راچل وندبحة ونسيح دمة علي الباب .
الشيخ عتمان :: دة عايز دم عيل لسة مخلص فطام .
سباعي :: وانا هجبلة عيل مفطوم طازة منين دلوك الحريم ف الجبل مفيهومش واحدة حداها عيل كدي وكمان محدش هيسيب ولدة من اساس دة الرچالة يجومو عليا لو عملتها ف ولد راچل منيهم .
الشيخ عتمان :: هو دة طلب الحارس ومفيش حاچة غيرة .
عوض :: خلاص نجيب اي عيل يمكن يجبلة .
الشيخ عتمان :: لو عملتو كدي الحارس هيغضب ومش بعيد يحرجنا كلاتنا واحنا واجفين ساعتها .
سباعي :: عوض تبعت الحريم تعسس ف البلد علي اي ست لسة فاطمة عيلها چديد ويعرفو دار مين ويجو يجولول للرچالة وانت تاخدهم وتهچمو علي الدار اخر الليل تچيبو الواد دية .
عوض :: بس كدي يا معلم سباعي البلد هتدرا ان احنا اللي ورا العملة دي وساعتها سيدنا سلطان مش هيرحمنا وهيجلب الچبل علي راسنا كلاتنا .
سباعي :: خلية ياچي يأنس وينور عشان ندفنوة هني هو وكل اهل ارض السلطان .
الشيخ عتمان :: كأيوانك ماتعرفش سيدنا سلطان الكبير يجدر يعمل اية دة عندة جنابل اكتر من هتلر ذاتة ويجدر ينسف الچبل والصحرا كلاتها لو غضب ف بلاش تنفخ نفسك جوي كدي واعرف مجامك ومجام سيدنا سلطان ويلا همل المجبرة الملعونة دي لحالخا واردمو عليها وكل حي يروح ل حالة احسن نروح فيها كلاتنا يدك.
سباعي :: اسمع يا شيخ عتمان اني لحد دلوك مطول بالي عليك لكن يمين بالله ادفنك دلوك لو كت بتلاوعني ف الحديت
الشيخ عتمان :: علي يدك اللي حوصل دلوك اني مهلاوعكش هو دية طلب الحارس.
سباعي :: يعني هو انتا بتفتح المجابر ب عيال صغيرة؟
الشيخ عتمان :: لااااه دي اول مرة حارس مجبرة يطلب كدي علطول يكون الجربان معزة ولاا خروف الظاهر كدي لما بيكون في حد ف نفسة چشع الحارس بيطلب دم بني ادم وسبحان الله كلاتكم و اولهم انتا نفسكم ملاينة چشع ومفيش حل تاني غير دي .
سباعي :: والااا يا عوض ابعت الحريم يعسسو زي ما جلتلك واخر الليل تروحو علي الدار وتجتلو كل اللي فية وتاخدو العيل ومحدش يسرج حاچة واصل من الدار عشان يجولو دية طار مش سرجة وميچيش ف بالهم ان احنا اللي ورا العملة دي .
عوض :: امرك يا معلم سباعي اللي تجول علية واچب ؟
سباعي :: وانتا يا شيخ عتمان هتضيفنا لحد ما يچيبو العيل عشان نفتح المحروجة دي ونخلص بجا وليك عليا يا شيخ عتمان هيكون ليك نصيب من الخير اللي هيطلع .
الشيخ عتمان :: مفيش خير بيأچي متعاص دم .. حدانا ف ارض السلطان سيدنا دايما يجول الخير المتعاص دم مش عايزينة عشان كدي لما بيأجي يفتح مجبرة محدش بيكون معاة غيري عشان لو حد موچود ف جلبة جشع الحارس ممكن يجتلنا او يعمل زي ما عمل دي ويطلب دم.
سباعي :: طب انتا وهتخاف تتچاشع وبىتضي بالفتافيت انما سيدكم سلطان مفيش ف جلبة چشع لية نبي ايأك ولا هو هياخد المساخيط ويبني بيها چامع.
الشيخ عتمان :: سيدنا سلطان بيبني البلد كلاتها بالفلوس دي وبيصرف علي كل اهل البلد الغلابة وبيچوز بناتهم ويعلم عيالهم ف الكتاب القران والدين واهة بنأ ميدرسة كبيرة زي بتوع مصر يتعلم فيها العيال الجراية والكتابة عشان، يتنورو ويبجو واعيين. دة غير، المستوصف اللي بناة وشغال فية عيال عمو اللي اتعلمو ف مصر وبجو دكاترة ودلوك ارض السلطان بجيت چنة يتمناة يعيش فيها اي حد.
سباعي :: بكفاياك حديت عاد صدعتلي نفوخي اخر الليل هيچيبو العيل وانت تروح ل حال سبيلك ولو حاولت تجول حاچة ساعتها مهيكفنيش مرتك وعيالك دة اني هجتل كل جرايبك وعيلتك كلاتها.
الشيخ عتمان :: انا مخيفش مينيك عشان اللي يهدد بالحريم يبجا چبان بس يمين بالله انا همشي ومچيب سيرة ل مخلوج علي اللي حوصل ومعيزش مينيك حاچة واصل ولا مساخيط ولا غيرة انا عايز ارچع ل عيالي وبس.
سباعي :: عين العجل يا عم الشيخ عتمان تعال ارتاح لحد ما يتم المراد ويجيبو العيل.
** قبل الغروب الستات كانت رجعت وقالت المعلومات اللي جمعتها من ستات البلد وقالو علي البيوت اللي فيها اطفال لسة مفطومين جديد وطلع في بيتين فيهم كدة فعلا وسباعي ادا امر ل عوض والرجالة يتحركو اخر الليل ويهجمو علي بيت منهم لانة الابعد عن قصر السلطان وكمان عدد افرادة اقل يدوب الاب والام والطفل **
#يتبع
- Writer
