Isang linggo na ang lumipas simula nang magsimula si Thisa bilang janitress sa kumpanya. Sa bawat araw na lumilipas, ramdam niya ang bigat ng trabaho kaakibat ng nakaraang hindi pa rin niya maalala. Kahit tatlong taon na ang nakalipas mula no'ng aksidente, minsan hindi niya maiwasang magtanong sa sarili, sino ba talaga ako noon? May naghahanap ba sa’kin? May pamilyang naghihintay?
Pero wala siyang choice kundi ang magpatuloy. Ang sweldo dito, sakto lang, mas malaki pa rin kumpara sa mga dati niyang trabaho. At higit sa lahat, kahit gaano kahirap, kailangan niya ito. Kailangan niyang mabuhay.
Umaga pa lang ay nasa opisina na siya, dala ang mga gamit panglinis. Sanay na siyang umiwas ng tingin tuwing dadaan si Rozen. Hindi niya maipaliwanag kung bakit laging kumakabog ang dibdib niya kapag
