Napatingin si Aira sa restaurant kung saan sila magkikita ni Pietro. Hindi niya alam kung ano ang mararamdaman sa oras na ‘to dahil ang lugar na ‘to ay kung saan sila palaging kumakain noong college. Kilala nga sila ng may-ari dito— hindi niya lang alam kung natatandaan pa siya nito ngayon o kaya naman may bago nang nagmamay-ari nito. Huminga siya ng malalim bago pumasok sa loob. Hindi niya talagang hinayaan na sunduin siya ng lalaking ‘yon at nag-taxi na lang patungo dito. Since hatid sundo siya ni Riguel hindi niya dala ang kan’yang kotse.
Humigpit ang hawak niya sa strap ng bag nang makita si Pietro sa table kung saan palagi ang pwesto nila noon. Coincidence lang ba ito? Ngayon niya lang naobserbahan ang buong hitsura nito at masasabi n’yang nangayat ito ngunit hindi pa rin maaalis ang
