Lumipas ang dalawang araw, pero hindi pa rin nagigising si Pietro. Nag-aalala na rin si Assistant K dahil baka may makatunog sa nangyari at hanapin ang boss. Ang sinabi niya lang ay wala ito sa loob ng apat na araw dahil nagmamadali itong puntahan ang isang importanteng bagay. Siya ang humaharap sa ibang kliyente kahit ang mga gusto nito ay ang boss niya ang makausap. Wala naman ito magawa dahil wala nga si Pietro.
Napagpasyahan n’yang lumabas ng kwarto para tumingin sa kusina. Tumawag din pala ang kaibigan nitong si Michael at kagaya ng sabi niya ay dinahilan niya na wala ang boss at may pinuntahan. Hindi niya alam kung naniwala ito, pero may kutob siya na may suspetiya na ang binata. After all, kilala na ni Michael si Pietro noon pa man at paniguradong malalim ang pinagsamahan nito.
S
