Isinuot na din niya ang seatbelt nang paandarin na nito ang kotse. At nang nasa daan na sila ay nilingon siya nito. "Saan tayo pupunta?" tanong niya dito. Hindi ulit siya makatiis na itanong iyon. Gusto din sana niyang sabihin dito na kapag magyayaya itong umalis ay sabihin nito sa kanya kung saan sila pupunta para hindi siya clueless. Ilang beses na kasi nitong ginawa iyon sa kanya.
Saglit naman siya nitong nilingon bago nito ibinalik ang tingin sa minamaneho. "Inimbitahan tayo ni Chassy na dumalo sa fashion show ng mga new collection niya," sagot nito sa kanya.
Nanlaki naman ang mga mata niya sa narinig na sinabi nito. Kaya pala bihis na bihis ito. Naka-coat and tie pa ito dahil dadalo sila sa isang fashion show. Samantalang siya ay parang pupunta lang siya ng Mall sa bihis niya. "Ba
