Ipinilig na lang ni Franco ang kanyang ulo at nagpatuloy na lang sa pagkain. Halos maubos niya ang nasa plato niya. At mukhang napansin iyon ni Dana dahil mula sa gilid ng kanyang mata ay nakita niya ang pag-usog nito ng mga ulam sa gawi niya.
Napaangat na lang siya ng kilay pero hindi naman siya tumanggi. He still starving kaya kumuha pa siya ng kanin at ulam para kainin.
Hindi naman nagtagal ay natapos na din siya sa pagkain. Hindi naman niya maiwasan ang mapatingin kay Dana, at gaya niya ay tapos na din itong kumain. Umiinom na ito ng tubig. At mukhang naramdaman nito na may nakatingin dito dahil napahinto ito sa pag-inom at napasulyap ito sa gawi niya. At noong nagtama ang mga mata nila ay nasamid ito.
Hindi naman niya napigilan ang mapakunot ng noo sa naging reaksiyon nito no'ng
