Hindi naman siya agad nakapag-react sa narinig na sinabi nito. Nanatili siyang nakatingin sa lalaki. Pero noong mahismasmasan ay inabot niya pabalik ang hawak na sobre na may lamang pera. Pero sa halip na kunin iyon ni Franco ay tinaasan lang siya nito ng isang kilay.
"What?"
Hindi naman niya napigilan ang pagkuyom ng kamay sa sinabi nito. "I don't need your money," wika niya dito.
Kahit na anong mangyari ay hinding-hindi siya tatanggap ng pera dito dahil ayaw niyang isumbat nito iyon sa kanya. Mukhang pera na nga ang tingin nito sa kanya ay ayaw na niyang dagdagan iyon.
Tumaas naman ang sulok ng labi nito habang nakatingin sa kanya.
"You don't need the money or the money is still not enough for you?" wika nito sa nag-uuyam na boses. "Gusto mo mas malaki?"
Bubuka sana ang bibig
