Nasa ganoon siyang posisyon ng makarinig siya ng mahinang katok na nanggaling sa labas ng pinto. Nagmulat siya ng mata at saka siya bumangon mula sa pagkakahiga niya para buksan ang pinto.
Nang buksan niya iyon ay tumambad sa kanya si Manang Luming. Nakita niya na may bitbit itong baso na may lamang mainit na gatas.
"Manang..." sambit niya.
"Dinalhan kita ng gatas," wika nito sabay abot ng baso sa kanya.
Tinanggap naman niya iyon. "Nag-abala pa kayo. Pero salamat po," sabi niya kay Manang Luming. Mayamaya ay napansin niya ang paninitig nito sa kanya. "Bakit po, Manang?" Tanong niya dito.
Nagpakawala ito ng malalim na buntong-hininga. "Pwede ba kitang kausapin?" Tanong nito.
Saglit naman siyang napatitig sa mukha nito bago siya tumango. Niluwagan din niya ang pagkakabukas ng pin
