"Don't worry. From now on ay dito na ako uuwi," sagot nito sa kanya. Pagkatapos niyon ay tumalikod na ito at naglakad patungo sa cabinet para kumuha ng mga damit nito.
Saglit naman siyang napatitig sa likod nito. "L-lalabas lang ako," paalam niya dito. Hindi naman ito sumagot. Kaya lumabas na lang siya ng kwarto at nagpatuloy siya sa paglalakad hanggang sa makarating siya sa kusina na kung saan nadatnan niya sina Manang Luming, Joan at iba pang katulong na halos aligaga sa ginagawa.
"Good morning," bati niya sa mga ito. Nilingon naman siya ng mga ito. "Hmm... may maitutulong ba ako?" Tanong niya.
"Kaya na namin ito, Dana." Si Manang Luming ang sumagot. "Patapos naman na," pagpapatuloy na wika nito. Pagkatapos niyon ay tumingin ito kay Joan. "Joan okay na ba iyan?" Tanong ni Manang Lu
