Seraphine Rose
“Boss, nakarating na sa Vancouver, Canada ang delivery. Walang naging problema at nagustuhan ni Mr. Rizzuto ang mga produkto.”
Napakusot-kusot ako sa mga mata ko habang naglalakad papunta sa salas. Malayo pa ko pero naririnig ko na ang boses ni Ty dahil sa sobrang tahimik ng bahay. Nagising na lang ako bigla na wala na si Zachary sa tabi ko at alas-tres na rin ng madaling araw.
Kaya gusto ko agad siyang makita dahil hindi pa rin mawala sa isip ko ang bangungot ko kanina. Sementeryo, larawan niya at kabaong niya na dahan-dahang tinatabunan ng lupa. Hindi ko kayang panoorin ang bagay na ‘yon. Iniisip ko pa lang pero parang kasama na kong binabaon sa lupa.
“What about the Albanians?” narinig kong tanong ni Zachary.
“Boss, nakausap ko na–”
“Let's talk again later,” narinig
