Helena’s POV
Natigilan ako sa ginagawa at ibinalik ang tingin kina Julia. Akala ko kasi kaninang iniwan ko sila ay didiretso na sila sa mga desk nila. Pero mukhang may pinagkakaguluhan na naman sila.
Parang may bagong dating na matangkad na lalaki. Tumayo ako at doon ko nakita si Wolfe. Napangiti ako at umalis sa cubicle ko para pumunta sa kinaroroonan niya.
“Wolfe?” tawag-pansin ko sa kaniya.
Agad siyang ngumiti nang makita ako.
“Helena, kilala mo rin siya? Aba! Quota ka na, ah! Lahat na lang ng hot at guwapo ay kilala mo!” mahaderang sita sa akin ni Julia.
Ngunit hindi agad ako nakasagot kasi dumating ang sekretarya ni Sir Gavin.
“Sir Wolfe,” tawag nito. Bumaling naman agad sa kaniya si Wolfe.
“Yes?” kunot-noong tugon nito.
“Sir, pasensiya na po. Hindi po kayo mahaharap ni Sir G
