CHAPTER 22
HAZEL POV
Pagkatapos ng ilang minutong paghahanda at pagluluto, naamoy ko na ang malinamnam na halimuyak ng sinangag, garlic longganisa, at pritong itlog. Simple lang ang almusal pero sigurado akong magugustuhan ng mga bata. Napangiti ako habang inaayos sa plato ang pagkaka-presenta—parang nasa hotel buffet lang.
Maya-maya pa’y narinig ko na ang marahang yabag sa hagdan. Palingon ako sa may pinto ng kusina at doon ko nakita si Lucas na may hawak-hawak pang maliit na unan at nakakunot ang noo habang naglalakad.
“Mommy…” aniya, sabay kusot sa mata. “Ang bango po. Nagluluto po ba kayo?”
“Oo, anak. Gising ka na?” Lumapit ako at inilahad ang kamay ko para akayin siya. Sumunod siya sa akin habang pababa rin si Llianne, na nakaakbay pa sa kanilang lola.
“Aba, ang aga ng gising ng
