CHAPTER 24
MR BELFORT POV
Pinagmasdan ko ang pinto ng opisina ko matapos itong isarado ni Georgelyn—o Hazel, kung ano man ang gusto niyang ipatawag sa sarili niya ngayon. Hindi ko maipaliwanag ang pakiramdam na bumalot sa akin mula nang bumalik siya. Akala ko, matagal ko nang naisara ang kabanatang iyon sa buhay ko. Pero ngayon, narito siya sa harapan ko, muling binubuksan ang sugat na pinilit kong ibaon sa ilalim ng trabaho at tungkulin.
Mula sa aking kinauupuan, nakita ko ang inihandang almusal na iniwan niya sa ibabaw ng mesa. Mainit pa ang kape, may bahid pa ng lambing ang pag-aayos ng baon. Pero pinilit kong alisin ang emosyon sa isip ko. Hindi ito panahon para maramdaman ko muli ang lahat ng iniwasan kong damdamin.
Dinampot ko ang tumbler at pinagmasdan iyon. Kilala ko ang estilo
