CHAPTER 61
THIRD PERSON POINT OF VIEW
Pahiga na sana ako sa malambot na kama, handang magpahinga matapos ang maghapong walang katapusang meeting sa opisina, nang biglang umalingawngaw ang tunog ng cellphone ko. Sa screen, nakita ko ang pangalan ng butler na binayaran ko upang manmanan si Gergelyn sa bahay ni Mr. Belfort.
Medyo iritado akong sinagot iyon. “Anong bali—”
“Boss! Si Ma’am Gergelyn… nabangga po ng kotse!” mabilis at putol nito sa sasabihin ko.
Parang biglang nawala ang antok ko. Para akong binuhusan ng isang baldeng malamig na tubig. “Ano?! Anong kapabayaan ang ginawa ninyo? Bakit nabangga siya?” halos pasigaw kong tanong, ramdam ko ang panginginig ng boses ko.
“Boss… hindi po namin alam na lumabas pala siya. Wala po siyang kasama. Duguan po siya ngayon at… mukhang magigin
