LAURA POV
NALIBOT ko na muli ang buong bahay nina Ninong Garvin and Ninong Gavin. Ang dami kong pʼwedeng puntahan, paniguradong ang tatambayan ko ay ang library na malapit sa room ko. Bumaba na muli ako at nakita ko ang living room na sobrang kintab at ang linis doon. Nakakahiyang tumambay at baka magulo ang sofa and carpet.
Lumakad ako palabas sa main door at nakita kong walang kotse sa parking lot sa may gilid. Mukhang tig—isa sila ng kotseng ginamit. Naglakad—lakad ako roon hanggang makita ang mga bulaklak sa gilid, si ate Tonya ang nakatoka sa pagdilig ng bulaklak at sa pool, iyon ang narinig ko kahapon. Doon na ako dumaan papunta sa likod at nakita ko ang gym room, hindi ko pinasok ito kahapon pero ngayon ay papasok ako. Hinila ko ang sliding door at bumukas iyon, naramdaman ko ang
