Pagkatapos ng nakakahiyang ginawa ko sa highway kanina, umuwi na muna kaming dalawa ni Sir Ace sa apartment na tinutuluyan ko at nagimbal ang buong pamilya ko.
"Ate Jane, pakisampal nga ako."
Bigla namang sinampal ni Jane si Shane sa harapan oo dahilan para mapahawak siya sa kaniyang pisngi na namamaga. "Ate naman! Bakit sobrang sakit?!"
"Eh, sabi mo sampalin kita?!"
"Tama na 'yan, totoo na bumalik na ako at hindi na ako aalis," saad ko sabay lapit na sa kanilang dalawa.
"Kuya Ace!!"
Imbis na ako ang pansinin ng mga kapatid ko ay kaagad silang tumakbo para yakapin na si Sir Ace. Napapangiti na lang ako kapag nakikita kong gustong-gusto nila si Sir Ace para sa akin, pero kapag naaalala ko na naman ang pag-alis ni Sir Spencer ay nalulungkot ako. Sana naman ay maging masaya na rin si
