Habang kumakain ang mga bata ay nagtitiklop naman ng mga bagong labang damit nila si Adeline. Naka-upo lang ako rito habang pinagmamasdan silang tatlo. Kahit na ganito na ang sitwasyon nilang magpamilya ngayon ay masaya pa rin naman sila.
"Pwede ba'ng magtanong?" mahinang tanong ko kay Adeline. Nasa harapan ko lang kasi siya.
Napatigil naman na siya sa kaniyang ginagawa at napataas ang kilay sa akin. "What is it?"
"Uh...mahal mo pa ba si Sir Ace?" Hindi ko alam kung bakit ko 'to tinanong kay Adeline, pero pakiramdam ko kasi ay hindi ako matatahimik kapag hindi ko ginawa 'yon.
"No."
"Oh? Talaga?" Duda ako kay Adeline napatakip na lang ako ng bibig ko. "I mean..."
"I never loved him," saad niya pa. "For the past six months na relasyon namin, hindi ko siya minahal since I only want to
