Kitang-kita ko ang gulat sa mga mata nilang lahat ngunit isinantabi ko lamang ito at tumango. Hindi ko alam kung anong klaseng organisasyon ang tinutukoy nila pero sigurado ako na ang paaralan namin ‘yon. Siguro ay imbes na paaralan ang tawag sa lugar na iyon, tinawag na lang nila ito bilang isang organisasyon. Ayaw din naman nila na malaman ng lahat na may ganoong klaseng paaralan pala ang mundo. Ngunit, hindi ba at mga taong may kapangyarihan din naman ang mga ito? Bakit hindi nila sinabi ang tungkol sa paaralan? Bakit hindi nila inanyayahan ang mga kaibigan ko upang pumasok doon? Ibig bang sabihin nito ay hindi kwalipikado ang aking mga kaibigan? Malalakas naman sila, determinado at sa tingin ko naman ay may mas mailalakas pa ito. Iyon nga lang ay hindi ko maintindihan kung bakit wala s
