Katok sa may pinto ng kuwarto ang nagpabalik sa kanya sa kasalukuyan, tumayo siya at nakita niya si Manang sa may pinto “Asa baba na si Bert siya na daw ang pinasundo sa iyo at nasa meeting pa si Marco” anito
“Sige po, Manang sunod na ako kuhain ko lang ang bag ko” aniya at tinignan ulit ang sarili sa salamin. Kinuha ang clutch bag niya at bumaba na. Nagderetso na siya sa labas papunta sa sasakyan at umalis na sila ni Mang Bert.
Nang makarating sa restaurant ay laking gulat niya ng makitang nandoon na si Marco at katabi nito si Leila. Bumuntong hininga na lang siya at lumakad na palapit sa mga ito “Ma” tawag niya ng makalapit na.
Lumingon ang Mama niya at napatayo nang makita siya “My baby!” Masayang sabi nito at niyakap siya. Tumayo rin ang Papa niya at niyakap siya, nagitna siya sa
