Chapter 21
Bumili rin ng ticket si Mami sa parehong bangka na sinakyan ni Leon. Muntik pa nga siyang hindi umabot dahil siya na pala ang huling tatanggapin, at ang ibang pasahero ay sa susunod na bangka na sasakay. Sa dulo na banda ng bangka si Mami pumwesto. Pero alam na alam niya kung nasaan banda si Leon nakaupo. Naroon ito sa pangatlong pasilyo ng mga upuan. Tahimik lang itong nakatingin sa dagat.
Si Mami naman ay kumuha ng isang life vest mula sa itaas ng bangka. Hawak lang niya 'yon, hindi niya sinuot. Wala naman kasing mga pasahero ang nagsuot ng life vest, siya lang ang maiiba kung magkataon. First time niyang sumakay sa ganitog klaseng Bangka kaya medyo napa-praning siya. Hindi niya alam kung ilang minuto o oras na byahe ba sila, pero ipinagdarasal niya na sana ay mabilis na bi
