Chapter 28
"Leon!" Sigaw ni Mami dahil bukod sa dalawang lalaking humila sa kanya kanina ay may tatlong lalaki pang dumating na may mga dalang baril.
"Sige, subukan mo pang makipaglaban. Papasabugin namin ang ulo ng babaeng 'to," banta pa ng isa habang nakatapat ang hawak nitong baril sa sentido ni Mami.
Hawak na ngayon si Mami ng dalawa pang lalaki. Wala naman nang nagawa si Leon kundi itaas ang dalawa niyang mga kamay. Senyales ng pagsuko niya at hindi na paglaban pa. Mabilis siyang nilapitan ng dalawang lalaking kinakalaban niya kanina at tinalian siya sa kamay ng isa sa mga ito. Sumunod na lamang siya nang itulak siya ng mga ito pasakay sa yate. Naunang naisakay si Mami sa loob ng yate at hindi niya alam kung saan ito ngayon dinala o itinago. Wala siyang naririnig na ingay o kalusko
