PAGKAPARADANG-PAGKAPARADA pa lang ng kotse ni Salve sa parking ng mansion ay agad siyang umibis ng sasakyan at kinausap ang noo’y papalapit na head ng security.
“Enriquez, make sure that the outside and inside of the mansion are clear,” mariin niyang pahayag bago ipinagbukas ng pintuan ng sasakyan si Amanda.
“What’s happening, Villamayor? Sino siya?” nakakunot-noong tanong ni Enriquez habang nakabuntot sa kanila.
Nagkatinginan sila ni Amanda bago siya nagpakawala ng hininga. Wala pa siyang sapat na impormasyon at detalye ukol sa nangyayari ngayon but he has a bad feeling about it.
Alam niyang maraming nasagasaang malalaki at makapangyarihang tao si Alejandra mula pa noong panahon na abogada pa lamang ito magpasahanggang ngayon na isa na itong gobernadora. Batid rin niya na marami ding
