GANOON na lang ang pagkadismayang naramdaman ni Alexander nang marinig niya ang boses ng nagligtas sa kanila.
“Clay!” malakas na anas ni Cassandra bago nagpumilit na tumayo mula sa pagkakahiga.
Bahagya naman siyang inalalayan ng isa pang lalaki na kasama ni Clay maging ang lalaki na kasama nilang nakagapos. Hindi niya maaninag ang ekspresyon sa mukha ni Clay but he will bet his life na papatay ito ng tao sa nakita nitong hitsura ni Cassandra... kagaya na lamang ng pagpupuyos ng damdamin niya laban sa mga bandido.
“We’re moving out. Cover us,” pahayag ni Clay sa radio bago tila balewalang binuhat si Cassandra.
Kahit anong pamimilit ng babae na ibaba siya upang kusa na lamang maglakad ay hindi pumayag si Clay. Isa pang babae ang sumalubong sa kanila na inalalayan naman ang kasama nil
