┈┈┈┈◦•✩•◦┈┈┈┈
Sumapit na ang hapon, at lahat ng pinsan ni Rouge ay nagkukumpulan na sa bakuran ng kanilang malaking rest house, sabik na sabik sa kung ano ang mangyayari. Nandoon silang lahat sa gilid, malapit sa hilera ng matataas na puno ng buko na hitik sa bunga. Para sa kaligtasan, may nakalagay na net sa itaas upang maiwasan ang aksidente sakaling may mahulog na niyog, pero pinatanggal muna ito ni David sa kanilang mga tauhan. Walang dapat na sagabal, dahil may isang lalaking handang gumawa ng isang bagay na hindi naman dating ginagawa o hindi sanay gawin para lamang maibigay nito ang bagay na alam nito na ikatutuwa ni Kimie.
"Nasaan na ba ang isang 'yon?" Tanong ni Jefferson, halatang naiinip na. Kanina pa sila naghihintay, at hindi niya alam kung matatawa ba siya o maaawa kay Rou
