┈┈┈┈◦•✩•◦┈┈┈┈
"Ano kaya ang unang palaro ngayon? Excited na ako. Gusto ko nang malaman kung ano ang unang gagawin natin. First time ko ito. Dati kasi ay gusto kong sumali, kaso bumalik na kami ng Manila kaya hindi ako nakasali nuon. Excited na talaga ako!" Kinikilig na sabi ni Kimie. Natatawa naman si Rouge sa naririnig niya mula sa kanyang asawa. Maging sila Dazzle ay natatawa na lamang kay Kimie, gustong-gusto talaga nito ang makasali sa palaro.
"Parang bata 'yang asawa mo. Atat na atat sa palaro, samantalang hindi pa naman niya alam kung anong klaseng palaro ang gagawin. Nasa bukjd tayo, sigurado akong hindi ito nakakatuwa para sa atin." Bulong ni Jefferson. Natawa naman si Rouge at hindi niya inaalis ang pagkakatitig niya sa kanyang asawa.
"Babe, halika nga dito. Tatawagin naman t
