NASAPO ni Daimon ang kanyang noo bago niya buksan ang pinto patungo sa kanyang kuwarto. Patawarin na lamang siya ng kanyang kapatid kung hindi na niya magagawa pang pigilan ang kanyang sarili kapag naulit ang nangyari kanina.
Bumuga siya nang malalim at saka nagtungo sa loob ng banyo. May event pa sila ngayong gabi sa Pampanga ngunit hindi na siya tumuloy dahil sa matinding pag-alala niya kay Khara. Alam niya na nakita nito si Lander kanina dahil nakita niya rin ito kaninang umaga. Nagkataon lang na hindi na siya nag-abalang kausapin ito dahil alam niya na iyon ang nararapat niyang gawin. Balak talaga niya na sa isang hotel na lang tumuloy dahil iniiwasan niya si Khara.
Itinapat ni Daimon ang kanyang mukha sa lagaslas ng shower. Hindi niya maitatanggi na nag-iinit ang kanyang katawan dah
