Nakatingin lang ako kay Nico, mula sa bintana nitong silid ko. Nakatingala itong nagpunas ng kanyang luha sa mata, sabay pasok sa loob ng kanyang sasakyan. Naupo lang ako sa ibabaw ng aking kama at nag-iisip. Ang tanda na kasi ni Nico, pero ang babaw niya mag-isip. Akala mo, hindi guro.
Napalingon ako ng muling tumunog ang aking cellphone. Si Nico ito. So I guess, ito talaga si Kai. Kaya't dinampot ko ang aking cellphone at sinagot ang tawag.
“Hmmmm,” tanging sagot ko dito.
“Are you mad?” tanong nito. Tanging buntong hininga lang ang sinagot ko. “Pupuntahan kita ngayon d’yan,” sabi ni Kai, na hindi ko pa nasasagot, pinatay na kaagad ang tawag.
Lumipas ang oras, hindi na ako nag-expect pa na darating si Kai. Dahil ang tagal nito. Nagdesisyon ako na matutulog na lang. Inayos ko muna a
