Inamoy at hinigpitan ni Venice ang yakap na inaakala niyang unan. Kinapa-kapa niya ito ngunit nagtaka siya kung bakit matigas ang nahahawakan niya. Dahan-dahan niyang dinilat ang mata at bumungad sa kanya ang matipunong dibdib. Napaangat siya ng tingin at nanlaki ang mata niya ng makita na magkayakap sila ni Damon habang natutulog sila. Napabitaw siya na kinagalaw ni Damon tila naalimpungatan. Akala niya ay bibitaw na ito sa pagkakayakap pero hinapit pa siya nito na halos dikit na ang mukha niya sa dibdib nito.
Inalis niya ang kamay nito sa baywang niya, pero lalo lang iyon humigpit. Kaya napaangat siya muli ng tingin sa mukha nito at nakita niya na nakadilat na ito at matiim siyang tinitignan.
Nag-iwas siya ng tingin at tinulak ito sa dibdib upang magkalayo sila. Pero napasinghap siya
