HANNA’s POV
NANLALABO ang mga mata ko dahil sa luha pero nagawa kong iangat ang isang kamay ko para alisin ang pakong nakatanim sa palad ko.
Gano’n ba kalakas ang pagkakasubsob ko kanina para bumaon ito sa akin?
Inalis ko iyon at ibinagsak na lamang sa dinaraanan namin. Nakita ni Kim at Julian ang ginawa ko pero hindi na sila kumibo. Bumuntong-hininga lang si Julian, habang si Kim ay paulit-ulit at mahinang nagmumura. Minumura niya si Gino.
“Shutang ina n’ya, sagad to the bones! Hayop!”
“Ante, watch your words. Nasa school tayo,” mahinang saway sa kaniya ni Julian.
“Hay nako, Julian! Pagsabihan mo nga ‘yang friendsh*t mong si Gino, ha! Namumuro na sa ‘kin ‘yan!” Hindi ako kumikibo sa kanilang dalawa at hinayaan ko lamang silang akayin ako papunta sa natanaw kong sasakyan ni Julian
