Walang kibo si Nico habang binabaybay uli nila ang pasilyo ng hotel. Hindi pala sa loob ng restaurant ang meeting place katulad ng kanyang inakala. Pinagpawisan na ang kanyang noo kahit malamig ang loob ng hotel. Kinuha niya ang kanyang panyo at pinunas ang kanyang pawis sa noo. Sumakay sila ng elevator at nakita niya ang pinindot ng sekretarya, number 20, pinaka-last floor ng building. Lalong lumakas ang kaba ni Nico paglabas nila ng twentieth floor. Isang pribadong opisina ang nakikita niya kung saan may mangilan-ngilan pang mga empleyado na paroo’t parito.
Huminto sa paglalakad ang sekretarya ng tumapat sila sa isang pintuan. May nakatalagang dalawang guwardiya na tiningnan muna ang identification card ni Nico at nag-body search sa binata. Pumasok si Mrs. Deguzman sa loob ng kuwarto k
