Ipinatong ni Irish ang telepono sa lamesa matapos nilang mag-usap ni Mikael, pasado alas siyete na ng gabi pero pauwi pa lang daw ito. Naiinip siya sa bahay nito lalo pa at pinatigil siya sa trabaho ng binata matapos ang civil wedding nila. Oo! Ganap na siyang may bahay ni Mikael. She is now Mrs.Irish Tuazon. Paano nangyari? matapos lang naman niyang makalabas sa Ospital ay agad siya dinala ni Mikael sa ninong nito na judge sa kanilang bayan at agad silang kinasal ora mismo! Ang loko talagang sigurista, pinakasalan siya agad kahit hindi pa nga nila nakaklaro o napag-uusapan kung anong meron sa kanilang dalawa. At sa susunod na linggo darating naman galing Amerika ang magulang ni Mikael para naman paghandaan ang kasal nila sa simbahan, siyempre lahat ng babae ay yun ang pinapangarap pero s
