KABANATA 10
BUONG BYAHE ay nakatulala lang si Celeste sa hawak na papel at kung hindi naman tulala ay paulit-ulit niyang binabasa ang bawat salita na nakapaloob sa dokumento, bawat sulok ay pinagmamasdang mabuti at pinag-iisipan kahit tapos naman na ang pagdedesisyon niya tungkol doon.
Pumayag na siya sa kasunduan nila ni Israel.
"Kaya ko naman 'yon, kung tutuusin ay simpleng bagay na nga lang 'yon," bulong niya sa sarili habang pumapasok sa loob ng bahay-ampunan pagkarating doon. "Pero s**t, hindi matanggap ng katauhan ko na uutusan niya lang ang ganda ko na mang-seduce ng kung sino. Dapat ako 'yung nasa posisyon niya, e!"
Alam niyang uso 'yon sa Maynila at usong situation sa mga kaibigan niyang mayayaman din gaya niya, may uutusang mga lalaki para magkunwaring boyfriend nila for some
