Matapos nitong pagsawaan ang kanyang labi ay nakangiti itong bumalik ng upo sa harap ng steering wheel. Kahit nasa daan na ang mga mata nito ay nasa hita pa rin niya ang palad nitong daig pa ang babae sa lambot. Humihimas iyon nang pataas at baba, at nilalaro ang kanyang tuhod. Sa bawat galaw niyon ay napapabilis din ang kaniyang paghinga.
“Si-sir Glenn . . . Ba-baka po may makakita sa ’tin dito. Nakakahiya po,” aniya at ipinatong ang dalawa niyang kamay sa kamay nitong nasa hita pa rin niya. Panay din ang kanyang tingin sa labas, sinusuri ang mga dumaraan na napapatingin sa gawi nila.
“So, gusto mo roon sa walang makakakita sa ’tin?” Pinagmasdan siya nito at kita niya ang pagiging seryoso sa mga mata nito. Natampal naman niya ang kaniyang noo dahil na-misinterpret nito ang ibig niyang s
