Makalipas ang apat na araw ay opisyal ng nakalabas ng ospital si Wenona. Simula rin nang siya’y nagising, ’di na niya nakita si Glenn. Maging message or call ay ’di rin nangyari. Inaasahan na niya na ganoon ang kalalabasan ng lahat no’ng una pa. Gayunpaman ay sobra pa rin siyang umasa na magme-message ito o tatanungin kung kumusta na siya. Sa ngayon, nakauwi na siya sa bahay niya at nagpapahinga. Ngunit hanggang ngayon ay ’di pa rin alam ng kanyang mga kapatid kung ano ang dahilan kung bakit siya naospital. Ang alam lang ng mga ito ay nagkaroon siya ng mataas na lagnat at hinimatay. Kaya all these time ay nagsisinungaling siya sa mga ito.
“Ate . . . Narito na ang pagkain mo!” Rinig niyang sigaw ni Nonot mula sa labas ng kaniyang silid. Mabilis niyang inayos ang lukot na mukha at naglagay
