Ramdam ni Wenona ang kaniyang kaba habang unti-unting binabaybay ang daan tungo sa tinuro ng guard na silid. Kahit makulay ang pintura ng dingding at may mamahalin na mga tanim sa loob ay mistula kamatayan ang pupuntahan niya.
“Nonot, Allen, ayos lang ba kayo?” Sabay na tumango ang dalawa ngunit pansin niya ang pamumutla ni Allen. Tila ba ay may nagsasabi sa kaniyang hindi siya mananalo sa laban na ito kung hindi siya gagamit ng kapangyarihan. Napapailing siya sa isiping, saan siya kukuha niyon.
Matapos ang halos minutong paglalakad ay narating nila ang pinto kung saan may nakasulat na ‘Dean’s office.’
“Papasok na tayo.” Ngumiti siya sa mga kapatid sabay katok sa pinto.
“Come in.” Isang malaking boses ang kanilang narinig. Ito ang naging hudyat upang pihitin niya ang doorknob upang bu
