Habang nakaupo sa upuang nasa harap ng study table ng kanyang boss ay ’di niya mapigilang ma-curious. Ngayon niya lang nalaman na mahilig pala ito sa puti. ’Di niya iyon nahalata dahil palaging itim ang suot nito o kahit anong madilim na kulay. Hindi rin naman maaasiwa ang sinong tumingin dito lalo’t para rin itong bampira sa labis na puti. Mas inferior pa nga ang kutis niya rito in ten folds.
Kumikislap din ang mga mata niya habang nakatingin sa napakalinis na puting kama. “Hmmm, dudungisan kita ng dugo ko . . .” bulong niya at ngumiti na puno nang malisya. ‘As if naman ganoon ako ka walang hiya.’
Gusto niya sanang tumayo upang pagmasdan ang tatlong malalaking painting sa wall nang napatingin siya sa bintana ng silid. In an instant, parang bahang rumagasa muli ang kanyang takot na naram
