WYNTER JUAREZ
Sa buong buhay ko, ngayon ko lang naranasan na matulog nang umiiyak habang may nakayakap sa akin. At ngayon lamang din ako nagising mula sa pag-iyak na may nakayakap pa rin.
I'd always felt lonely before, pero iba ngayon. The feeling of safety and security everytime Ryan was beside me became an addiction to me now. Na para bang kapag hindi ko na siya naramdaman sa tabi ko, o kapag nawala na siya sa paningin ko ay hahanap-hanapin ko na siya.
Dahan-dahan kong ipinihit ang ulo ko para sulyapan siya mula sa ibabaw ng aking balikat. Nakatalikod pa rin kasi ang posisyon ko sa kaniya. Nakayakap naman siya sa baywang ko mula sa aking likuran.
Hindi ko alam kung anong oras na sa kasalukuyan, pero alam kong umaga na dahil maliwanag na sa labas nang sumulyap ako sa bintana. Iyon nga
