WYNTER JUAREZ
"R-Ryan..." May pag-aalinlangan kong binalingan si Ryan habang nakasakay na kami sa eroplano. Magkatabi kami at ako ang nasa tapat ng bintana.
"Bakit?" he asked, still sleepy. Saka niya idinilat ang mga mata niyang kanina pa nakaidlip.
"P'wede bang palit tayo ng puwesto? Nahihilo ako rito. Nakakalula..." pakiusap ko. Kanina pa kasi ako hindi mapakali.
Hindi ako fan ng mga matataas na lugar kaya kanina pa ako nakakaramdam ng hilo at para akong masusuka dahil hindi ko rin naman maiwasang hindi lumingon sa labas ng bintana. Ewan ko ba. Natatakot na ako, pero tingin pa ako nang tingin sa ibaba.
"Sana kanina mo pa sinabi," inis niyang bulong. Napabuntong-hininga pa siya ngunit napilitan din namang tumayo at makipagpalit sa akin ng puwesto.
"Thank you..." I whispered. Pero h
