RYZA LOPEZ (WYNTER JUAREZ)
"Masasapak kita, Monet, Inaantok pa 'ko..." Tumagilid ako ng higa. Kahit nakapikit ay nagawa kong hatakin pataas ang kumot para itakip sa aking katawan dahil nakakaramdam ako ng ginaw dulot ng lamig ng aircon.
"Ryza?" Muli kong narinig na may tumawag sa akin, ngunit sa pagkakataong ito ay boses lalaki na. Boses pa ni Ryan.
Teka? Si Ryan?
Saglit na kumunot ang noo ko at napaisip. Nanatili rin akong nakapikit habang binabalikan ang nangyari kagabi. Oo nga pala. Nakatulog din ako habang pinagmamasdan siya.
Nakatalikod ako sa kaniya kaya naman nang imulat ko ang mga mata ko ay hindi ko agad siya nabungaran. May pagkakataon din ako para bumuwelo at maghanda sa susunod kong acting.
Iginala ko kunwari ang mga mata ko sa paligid hanggang sa matunton ko siya sa ba
