WYNTER JUAREZ
"Saan ka pupunta?" tanong sa 'kin ni Ryan, palabas na sana ako ng kwarto bitbit ang bath towel na puti.
Huminto naman agad ako at binalingan siya. Prente siyang nakahiga sa kama at nanonood ng tv. Hawak niya ang remote sa isa niyang kamay habang nasa kabila naman ang phone niya.
"Night swimming kami nila Keycee at Christia," I told him.
"Gabi na." Bahagyang nagsalubong ang kilay niya.
"Oo. Kaya nga night swimming, 'di ba?" Bahagya ko pa siyang tinawanan. "Saka 7:30 pa lang naman," dagdag ko pa.
Nagkaayaan kasi kami kanina nila Keycee after namin maghapunan, habang nagpapahinga.
"H'wag kayo masyadong magbabad. Baka ubuhin kayo. Sabay-sabay kayong tatahol n'yan," biro niya, ngunit seryoso ang mukha.
"Bata ba...?" mahina kong bulong bago tuluyang magpaalam sa kaniya. Lu
