WYNTER JUAREZ
Natulog akong maganda, nagising akong mukhang bruha. Sabog-sabog ang buhok ko at mukhang pinagpugaran ng ibon. Kahit hindi ako nakaharap sa salamin ay iyon ay nararamdaman ko base na rin sa mga hiblang nakasablay pa sa aking mukha.
Pati ang mga mata ko ay ramdam ko ang pamamaga dahil nakatulog ako nang umiiyak kagabi sa pag-o-overthink sa mga maaring mangyari in the future.
But now, medyo ayos na ako. Siguro dahil nakatikim na rin ng pahinga ang isip ko sa lumipas na magdamag.
Pero kahit nakabangon na ako sa kama, hindi pa rin ako bumaba at nanatili lamang doon na nakaupo habang nakatulala sa ibang direksyon.
Normal na sa akin ang ganito. Iyong matutulala muna pagkagising bago tuluyang bumaba sa kama. Minsan nga kahit nakababa na ako, habang umiinom ng gatas ay may pagka
