KEYCEE POV
Magkakasabay kaming naghahapunan sa restaurant na nasa loob lang din mismo ng hotel. Kasama na rin namin si Ryan dahil agad din naman siyang sumunod kanina. Hindi ko alam kung natakot siya sa sinabi ni Hope na nakakalaki ng itlog ang sobrang paghiga.
At habang kumakain kami, hindi niya napigilang magkuwento tungkol sa girlfriend niyang si Ryza dahil pumayag na raw itong magpakasal kaya sobrang saya niya. Walang patid ang pagngiti at pagngisi niya simula pa kanina. Napapailing pa kung minsan.
"Next week, pupuntahan ko na daddy n'ya. Hihingin ko hindi lang ang kamay ni Ryza kun'di pati mga paa. Buong pagkatao para masaya!" Bahagya pa siyang napahalakhak habang puno ang bibig. Naalala ko tuloy ang sinabi niya kay Hope na don't talk when your mouth is full. Kaya pala hindi siya m
