Chapter 23
Napahimbing ng tulog si Jane Rose at tanghali na nagising. Parang mabibiyak ang kanyang ulo dahil sa sobrang sakit!
"Nauuhaw ako," mahinang sambit ni Jane Rose habang hawak ang kanyang ulo.
Napatingin siya sa kabuuan ng kwarto. At mabilis na napabangon dahil wala siya sa loob ng mansion!
Kinabahan siyang bigla pero agad din naman itong napawi. Kahit naman mawala siya sa loob ng mansion ay hindi siya hahanapin ng Gobernador. Pagod ito at masaya sa piling ni Martenah kagabi.
Balewala lang din siya para rito. Kaya mas mabuti ng andito siya.
Pero nasa kwarto siya ni Eugene! Hiyaw niya sa kanyang isipan.
Mabilis siyang napatayo at inayos ang suot.
Wala kayang nangyari kagabi? Tanong niya sa kanyang sarili dahil wala siyang maalala sa mga pinag-gagawa niya. Madami ang ka
