TAGATAK NA ANG pawis ni Georgianne habang bitbit ang naglalakihang gamit. Palabas na sana siya sa malawak na bakuran nang pagangat niya ng tingin ay nakita niya si Jaime na matamang nakatingin sakaniya.
Kung maidedepina lamang ng dalaga ang ekspresyon nito, ay masasabi niyang ito ang klase ng titig na wala ka pang ginagawa, tinutusta ka na. At naiinis siya sa sariling bakit ngayon ay ang lakas ng epekto nito sakaniya, samantalang noon, makita at marinig pa lang siya nito ay manginginig na ito sa takot sa pambu-bully na gagawin niya.
Samantala, si Jaime naman ay pinagpawisan ng malapot pagkakita sa dalaga na bitbit ang mga gamit nito. Agad siyang nakakutob at gusto niyang magalit sa babae, pero ayaw naman niyang mas lumayo ang loob nito sakaniya. "Georgianne, saan ka pupunta?" Sa wakas, a
