"TIKMAN MO ito Georgianne, masarap ito. Isa ito sa mga specialty ni Nana Selma." Maluwag ang ngiti ni Jonas sa dalaga habang nakaupo sila sa kahoy na yari sa palochina. May isang mahabang lamesa rin doon na pinagsasaluhan ng maraming mga trabahador kasama na rin si Jaime.
Napakaraming pagkain sa lamesa. Ang lalakas pa kumain ng mga ito parang mga wrong-turn. "Ang dami naman yatang pagkain? Fiesta ba?" natatawang tanong niya.
Jonas chuckled. "Marami talagang niluluto dahil malalakas kami kumain. Tignan mo naman, mga barako kami at sobrang nakakapagod ang trabahong bukid. Kailangan ng lakas kaya malakas din kami kumain, bukod pa roon na the best magluto si Nanang,"
Napatango-tango siya. "Ano ba 'yan?"
"Ito 'yung sinasabi ko sayo na pinangat. Pagkaing bicol ito. Come on, try din. Hinding
